BBC häm CNN kebek 24 säğat buyına xäbär taratuçı xalıqara kanallar arasına xäzer yañaları da östälä başladı.
İnde beleügezçä küptän tügel, Xalıqara xäbärlär çiltärtärenä Russia Today, France 24 häm soñgı waqıtta äl-Cäzira-İnternational xäbär kanalı quşılğan ide. Şularğa xäzer İrannıñ PressTV isemle xäbär kanalı da östälä. Maqsat köpçelege könbatış qulında bulğan xäbär çiltärenä alternativ qaraş östäw.
İrannıñ täwlek tulı ingliz telendäge xäbär kanalı, PressTV yülneñ 2sendä efergä çığa. TV iğtibarın kübräk yaqın kön çığış mäsälälärenä yünälderäçäk.
Xäbär kanalınıñ 400däñ artıq xezmätkäre buluı, alardañ tış 26 xäbärçeneñ, Amerika, Angliä kebek çit illärdäñ qala Yärüssäläm, Ğazza häm Ramallah şähärlärennäñ dä xäbärçeläre bulaçağı belderelä.
Tähranda urnaşqan bu kanal, yarım säğatlek xäbärlär belän bergä tögäräk östäl programnarı häm dokumental filmnär kürsätäçägen xättä alarnıñ qayberlären qayçağında Waşiñton, New York häm Dimaşqtan turıdañ turı alıp barılaçağın wäğdä itä.
Läkin, İrannıñ üzendäge häm çittäge qaysı ber belgeçlär PressTVneñ zur külämdä tıñlawçını yawli alu ixtimalı bik äz dip isäple.
İsa Saharxiz, İrandağı Matbuğat ireklege oyışması äğzäse. Azatlıq Radiosına ul, Matbuğat ireklege awızlıqlanğan ber ildä irekle, propagandasız häm obyektiv xäbär citkerü mömkin tügel dip äytte.
Bu fikergä östäp qaysı ber küzätüçelär, İrannıñ qatı rejimle däwlätçelege säbäble, däwlät qaramağındağı bu kanalğa könbatışlılar ışanıçılı mäğlümät çığanağı itep qaralmayaçaq dip farazli.
Saharxiz, Tährannıñ Xäbär kanalına kerteler dip kötelgän islamça kiyenü qağidäse dä, Könbatıştağı tämaşaçalarnı cälep itüdä başqa ber kirtä bula ala dip isäpli.
Londonda urnaşqan Chatham isemle könçığış tikşerenüläre üzäge başlığı Clair Spencer isä başqa qaraşta tora. Ul, PressTVneñ bigräktä irannañ kilgän xäbärlär belän qızıqsınuçı könbatıştağı qarawçıların üzenä cälep itä alır dip farazli. Şulay da alar sanı bik küp tügel di Spencer.
“Min çittäge keşelär İrandağı säyäsi sistemneñ niçek eşläwen bik ük añlap bitermilär dip uylim. Ägärdä bu kanal, säyäsi mäsälälärdäñ başqa İran xalqı eçendäge törle cämäğatçelek mäsälälären dä kütärsä, minemçä bu bik faydalı bulaçaq. Bigräktä, säyäsättäñ tış, iqtisadi, ictimagiy, mädäni yaqtan İranda nilär bulıp yatqanıñ belergä telägän keşelär öçen. “
İRİB, İran däwlät tapşırular idaräse qaramağında, xäzerge waqıtta, ğaräp telendä ike xäbär kanalı, Al Alam häm Al Kawthardañ qala çittä yäşägän iranlılar öçen Jem-Jem isemle farsi telendä kanal eşli.
Londondağı Ğaräp-farsi tikşerenülär üzäge başlığı Aliriza Nurizadeh, İrannıñ monnañ elekräk açılğan xalıqara kanalları tamaşaçını üzenä cälep itä almadı dip äytä.
“Sähär yäki äl-Alam kebek kanallar açuda uzğan yıllarda millionlağan aqça sarıf itte. Läkin, qızğanıçqa qarşı ber nindi näticä kitermäde. İran İslam Cömheriäte alternativ xäbärlär eşetergä yäisä qararğa telägän keşelärne cälep italmadı.”
İnde beleügezçä küptän tügel, Xalıqara xäbärlär çiltärtärenä Russia Today, France 24 häm soñgı waqıtta äl-Cäzira-İnternational xäbär kanalı quşılğan ide. Şularğa xäzer İrannıñ PressTV isemle xäbär kanalı da östälä. Maqsat köpçelege könbatış qulında bulğan xäbär çiltärenä alternativ qaraş östäw.
İrannıñ täwlek tulı ingliz telendäge xäbär kanalı, PressTV yülneñ 2sendä efergä çığa. TV iğtibarın kübräk yaqın kön çığış mäsälälärenä yünälderäçäk.
Xäbär kanalınıñ 400däñ artıq xezmätkäre buluı, alardañ tış 26 xäbärçeneñ, Amerika, Angliä kebek çit illärdäñ qala Yärüssäläm, Ğazza häm Ramallah şähärlärennäñ dä xäbärçeläre bulaçağı belderelä.
Tähranda urnaşqan bu kanal, yarım säğatlek xäbärlär belän bergä tögäräk östäl programnarı häm dokumental filmnär kürsätäçägen xättä alarnıñ qayberlären qayçağında Waşiñton, New York häm Dimaşqtan turıdañ turı alıp barılaçağın wäğdä itä.
Läkin, İrannıñ üzendäge häm çittäge qaysı ber belgeçlär PressTVneñ zur külämdä tıñlawçını yawli alu ixtimalı bik äz dip isäple.
İsa Saharxiz, İrandağı Matbuğat ireklege oyışması äğzäse. Azatlıq Radiosına ul, Matbuğat ireklege awızlıqlanğan ber ildä irekle, propagandasız häm obyektiv xäbär citkerü mömkin tügel dip äytte.
Bu fikergä östäp qaysı ber küzätüçelär, İrannıñ qatı rejimle däwlätçelege säbäble, däwlät qaramağındağı bu kanalğa könbatışlılar ışanıçılı mäğlümät çığanağı itep qaralmayaçaq dip farazli.
Saharxiz, Tährannıñ Xäbär kanalına kerteler dip kötelgän islamça kiyenü qağidäse dä, Könbatıştağı tämaşaçalarnı cälep itüdä başqa ber kirtä bula ala dip isäpli.
Londonda urnaşqan Chatham isemle könçığış tikşerenüläre üzäge başlığı Clair Spencer isä başqa qaraşta tora. Ul, PressTVneñ bigräktä irannañ kilgän xäbärlär belän qızıqsınuçı könbatıştağı qarawçıların üzenä cälep itä alır dip farazli. Şulay da alar sanı bik küp tügel di Spencer.
“Min çittäge keşelär İrandağı säyäsi sistemneñ niçek eşläwen bik ük añlap bitermilär dip uylim. Ägärdä bu kanal, säyäsi mäsälälärdäñ başqa İran xalqı eçendäge törle cämäğatçelek mäsälälären dä kütärsä, minemçä bu bik faydalı bulaçaq. Bigräktä, säyäsättäñ tış, iqtisadi, ictimagiy, mädäni yaqtan İranda nilär bulıp yatqanıñ belergä telägän keşelär öçen. “
İRİB, İran däwlät tapşırular idaräse qaramağında, xäzerge waqıtta, ğaräp telendä ike xäbär kanalı, Al Alam häm Al Kawthardañ qala çittä yäşägän iranlılar öçen Jem-Jem isemle farsi telendä kanal eşli.
Londondağı Ğaräp-farsi tikşerenülär üzäge başlığı Aliriza Nurizadeh, İrannıñ monnañ elekräk açılğan xalıqara kanalları tamaşaçını üzenä cälep itä almadı dip äytä.
“Sähär yäki äl-Alam kebek kanallar açuda uzğan yıllarda millionlağan aqça sarıf itte. Läkin, qızğanıçqa qarşı ber nindi näticä kitermäde. İran İslam Cömheriäte alternativ xäbärlär eşetergä yäisä qararğa telägän keşelärne cälep italmadı.”