Başqortstannan ike zur ğına wäkillek comğa könne çit töbäklärdä ütäçäk Sabantuy bäyrämnärendä qatnaşu öçen yulğa çıqtı.
Räsmi zatlardan häm törle hönär iälärennän torğan ber törkem Mäskäwgä kitte. Ul wäkillekkä kerüçelär il başqalasında ütäçäk Başqortstan könnäre çaralarında qatnaşa. Yuğarı däräcädä uzaçaq ul bäyrämgä respublika Prezidentı Mortaza Räximov citäkçelek itä.
Säfär barışında Mäskäw şähäre xakimiäte belän Başqortstan arasında üzara xezmättäşlek häm duslıq turında Kileşügä qul quyılaçaq, dip äytelde. Şulay uq bik küp mädäni çaralar da qaralğan. İñ töp tantanalar şimbä könne oyıştırılaçaq Mäskäw Sabantuyında bulaçaq.
Başqortstannan ikençe ber zur wäkillek Çiläbe ölkäsendä 30 iyündä ütäçäk federal' Sabantuyda qatnaşu öçen kitte. Anda baruçılar tamaşaçı ğına bulmıy. Çönki Başqortstannan baruçılar arasında milli köräş batırları da, başqa sport törläre ostaları da bar. Ä inde Ufadan barğan sänğät ostaları millättäşlärgä ruxi küçtänäçlären büläk itäçäk.
Şimbä könne Başqortstannan tağın da ber törkem wäkillek İjauda ütäçäk Sabantuy bäyrämendä qatnaşu öçen dä yulğa çığa.
Fänis Fätxi, Ufa
