Berniçä yıl elek Qazan boralaq şirkäteneñ citäkçese Aleksandr Lavrent'yev modirlär şurası räise itep qaldırılıp, anıñ urınına Wadim Ligay bilgelängäç, bu ölkädäge qayber belgeçlär monı, Rusiäneñ “Rosoboroneksport” şirkäte Tatarstan zavodın üzeneke itergä teli dip farazlağannar. Waqıt uza farazlawlar çınğa aşa bara. Şuşı könnärdä, Vertolet zavodınıñ yaña direktorlar şurası saylandı. Anda 11 urınnıñ 7се “Rosoboroneksport”wäkillärenä birelgän. Tatarstan modirlär şurasına 3 keşe: Aleksandr Lavrent'yev, Wadim Ligay häm häm Respubliqa xoqumäte wäkile bularaq Boris Pavlov kertelgän. Şulay itep aksiälärneñ 51 % xäzer Rusiä şirkäteneke. Tatarstan şirkäteneñ Rusiä qaramağına küçüne küp kenä belgeçlär xup kürmäsä dä, Qazan boralaq zavodınıñ bügenge citäkçelege monı uñışlı dip sanıy. Çönki däwlät qaramağına eläkkäç, şirkätneñ kereme bermä-ber artqan, bügen ul 7 milliardqa yaqın. Qazan boralaq şirkäteneñ töp köndäşläre “Ulan – Ude avia” häm “Rostvertol” şirkätläreneñ keremläre isä 5 - 6 milliard sum täşkil itä. Bügenge köndä Tatarstan şirkätendä Mi-17, Mi 137 yök boralaqları citeşterelä. Monnan tış şirkät citäkçeläre yög boralaqları belän berrättän “Ansat” dip atalğan ciñel boralaq ta çığarırğa planlaştıralar. Rusiä boralaqlarına soraw küp bulaçağında şirkät citäkçelege borçılmıy, çönki bügen bu maşinalarğa soraw arta ğına bara. Şuşı könnärdä Venesuella prezidentı Uğo Çawesnıñ Rusiägä räsmi säfäre dä, öleşçä qoral satıp alu belän bäyle. “Rosoboroneksport” şirkäte belän kileşü tözep Venesuela başlığı 24 SU 30 MK, häm 53 Mi 35 m markalı boralaqların satıp alğan. Bu maşinalarnı ğomumi bäyäse yaqınça 3 milliard dollar dip bäyälänä.
Tatarstan iqtisatınıñ başqa ölkälärenä qarağanda. Küptän tügel şulay uq “TAİF” kompaniälär törkeme aksionerlarınıñ yıllıq utırışları uzdı. Biredä 2007 yılda "TAİF" produktsiä citeşterüdä 174 milliard. sum külämendä tabış alırğa niätli digän fiker äytelde. Çista kerem 26 milliard. sum täşkil itäçäk. İnvestitsiä proyektların ğämälgä quyuğa 20 milliard sum aqça totılaçaq.
İnvestitsiä çaraları, nigezdä, "TAİF-NK" kompaniäseneñ avtobenzinnar zavodında eşlänä torğan produksiäneñ sıyfatın yaxşırtu, neft'neñ awır qaldıqların eşkärtü buyınça kompleks tözügä, "Qazan organik sintez" aksionerlıq cämğiäteneñ etilen zavodın tözekländerügä yunälteläçäk.
Bolardan tış, kompaniäneñ tekommunikatsiä, tözeleş, finanslar häm investitsiälär, xezmät kürsätü ölkäsendä eşläwçe oyışmalar üseşenä dä iğtibar bireläçäk.
Şirkätneñ mödirlär şurası sostavında yaña üzgäreşlär bulmawın belderde
"QAMAZ"da uzğan mödirlär şurası utırışında aksionerlarnıñ çirattan tış ğomumi cıyının ütkärü turında qararğa kilende. Kön tärtibenä aksiälärneñ sanın kimetü maqsatında, aksiälärneñ ber öleşen alıp kompaniäneñ ustav kapitalın kimetü mä’säläse quyılaçaq, dip xäbär itä "QAMAZ"nıñ cämäğätçelek belän eşläw bülege. Aksiälärne satu barlıq aksionerlarğa da täqdim iteläçäk. Ber aksiäneñ bäyäse 83 sum 31 tien. Soñğı ike yıl eçendä "QAMAZ" yuğarı citeşterü kürsätkeçlärenä ireşep kilä. 2006 yılda 721 million. sum külämendä çista kerem alğan. Ämma şuña da qaramastan, yıl näticäläre buyınça dividendlar tülämäskä digän qararğa kilengän. Eş şunda ki, bügen "QAMAZ"nıñ 87 meñ aksiäse fizik zatlar qulında. Çista keremne bülep, alarnıñ härqaysına tülänä torğan aqça kompaniäneñ poçta küçermälärenä totqan çığımnarınnan da östenräk bulaçaq. Şäxsi aksiälärne satıp alu initsiativasın "QAMAZ"nıñ töp aksionerları xuplağan.
Ğädel Galämetdin.
