Пакыстан башкаласы Исламабадта “Ләл Мәсҗид” мәчетендә бикләнеп утырган берничә йөз исламчы шәкерт полиция кулына бирелгән. 340 шәкерт, шуларның 100-е хатын кыз, хәкимиятләрнең катгый таләпләреннән соң, коралларын ташларга мәҗбүр булган. Ә инде мәчеттә эшләүчеләр мәчетне ташлап чыкмаган. Кичә исламчыларның полиция белән булган бәрелешендә 11 кеше һаләк булды.
“Ләл Мәчет” яки “Кызыл мәчет”, ислам кануннарын сакларга карар кылып, кулларына корал тоткан шәкертләр үзәгенә әверелгән.
