Бүген Әфганстанның көньягындагы Урузган виләятендә талибларга һавадан һөҗүм ясалган, 11 сугышчы үтерелгән. Коалиция көчләре җитәкчелеге бу һөҗүмнәр талибларның әфган-америка патрулен юк итәргә омтылуларына җавап буларак ясалды дип белдерә.
Әфганстанның көнчыгышындагы Хост виләятендә бүген фугаска эләгеп патруль машинасы шартлаган. 6 әфган полициясе һаләк булган.
Илнең көньягында бер НАТО солдаты үтерелгән, икесе яраланган.
