Accessibility links

Кайнар хәбәр

Xoquq belgeçe Astaxovnı cawaplıqqa tartu tırışlıqları artında ni tora?


Rusiä televideniesendä mäxkämä säğete tapşıruın alıp baruçı häm bäysez xoquqçı Pavel Astachovqa ğäyepläw belderelergä mömkin. Astaxov millitsiäneñ cinäyätçelär belän yäşeren elemtädä torıp bergäläp eş itüe turında ädäbi äsär yazğan. Tärtip saqlawçılar, Astaxovnıñ äsäre tärtip saqlawçılarınıñ abruyın töşerä, dip belderä. Şul uq waqıtta, qayber bälgeçlär, bu eşne yazuçılarğa häm bäysez xoquqçılarğa qarşı alıp barılğan däwamlı kampaniä bulırğa mömkin di.

Rusiäneñ xäzerge ädäbit ağılımında yaña ber küreneş barlıqqa kilü turında äytep bula. Yazuçığa uylap tabılğan äsär öçen ğäepläw belderelergä mömkin. Mäskäw şähär prokuraturası “Raider” romanın yağzan Pavel Astaxovtan soraw aldı inde. Xäzer pokuratura, cinäyät eşen açırğamı, yuqmı dip uylana. Rusiä eçke eşlär ministrlığınıñ Mäskäw tikşerülär baş idäräseneñ başlığı general İvan Gluxov, Astaxonıñ kitabın uqıp çığıp, prokuraturağa, Astaxov äsären häm anıñ kitabın çığarğan näşriätne tikşergez, cinäyät eşen açığız dip möräcäğät itkän. General Gluxov, romanında sürätlängän waqıyğalar millitsiä xezmätkälärenä yala yağu bulıp tora, dip sanıy. Gluxovnıñ yazuyına qarağanda, äsär tärtip saqlawçılarnıñ citäkçelegen mısqıllap kürsätä häm abruyın töşerä. Prokuraturağa cibärelgän xatında, general Gluxov, romandağı waqiğalarnıñ uylap tabılğan buluın tanıy, ämma andağı xällär millitsiä tiräsäsendä barğanğa kürä, uquçılar, romandağı wağialar çınbarlıqta ta bulğan dip uylarğa mömkin, dip yaza. Avtornıñ xoquqların mäxkämädä yaqlawçı xoquqçı Mixail Burmistrov general Gluxov däğwälären qatğıy räweştä kire qağa. Şul uq waqıtta, Astaxovnıñ kitabı bu oyışmadağı problemanarnı açıp sala, dip äytä.

“Ul kitabında bernindi açış yasamadı. Ber genä äyber – bu oyışmadağı xällärne açığraq itep kürsätte. Xoquq yaqınnan qarağanda, ul ber qaya da konkret keşelärne atamadı. Bu ädäbi äsär. Bu avtornıñ añında tuğan ädäbi roman.”

"Raider" äsären macaralı roman itep atarğa bula. Waqiğalar şirkätlärgä höcüm itü, tartıp alu yulları tiräsendä bara. Biznes şirkät başlığı, tikşerüçegä aqça törtä, ğäyeben kimetergä tırışa. Rişwätçelekkä qarşı yäş advokat köräşä.

Astaxovqa şuşı ädäbi äsäre öçen ğäyepläw belderü mömkinlege bik küp keşene şaqqatırdı. Andıy macaraları romannar Rusiädä bik populär, millitsiäneñ gonaxları romannarda moña qadär dä sürätlände. Qayber küzätüçelär Astxovqa tağılğan ğäyep artında başqa citdiräk säbäplär torırğa mömkin, dip äytä. Bu xäl - başqa yazuıçlarğa kisätü bulırğa mömkin, dip sanıy alar. İñ kup uqıla torğan fantast- yazıçlarnıñ berse, “Tönge, Köndezge Dozor” kitaplarınıñ avtorı Sergey Lukyanenko da şuşı fikerdä tora. “Älbättä bu mine bik borçıy, monda qanunnı ütäw, (bu här mädäniätle il öçen kiräkle eş) häm watandaşlarınıñ xoquqların irekleklären saqlaw arasındağı çikne ütü bik ciñel. Bu bik citdi mäsälä, qanunnı ütibez dip, artığın tırışıp cibärergä bula, ul waqıtta keşelärneñ fiker belderülüläre, başqa ireklelärne qısılırğa mömkin” – di ütä dä populär kitaplarnıñ avtorı.

Astaxov, yazuçı buludan tış, uñışqa ireşkän advokat da. Elegräk ul “Ukos” häm “NTV” şirkärläreneñ xoquqların yaqlağan ide. Qayber küzätüçelär fikerençä bu ğäyep tağular, bäysez xoquqçılarqa qarşı eş bulırğa mömkin.

Bikä Timerova
XS
SM
MD
LG