Bıyıl 65 etäkse ştraf tülägän, 6-hın eşenän alğandar.
Öfö prokuraturahı mäğlümättänenän küreneüensä, proqurorźar mäxkämägä 3 meñ 675 däğüä ebärgän. Ular 33 million hum aqsa birmäüźä ğäyeplänä. Älegä 26 million hum burıs qaytarılğan. Eş xaqı buyınsa burıstarğa tuqtalğanda, respublika prezidentı xakimiäte başlığı Radiy Xäbirov ta bıl mäsäläne tiź arala xäl iteü käräk tigän fekerźä. Bıl turala ul İşembayźa Berźäm Räsäy firqähe köndären uźğarğanda äytte. Urındarźa xalıq menän osraşqanda küberäk nindäy horau birälär tigän horauğa yauap itep ul torlaq, eş xaqı, militsiyanıñ üźeneñ ük xoquq boźouına yalıuźar küp tine.
İşembayźa Berźäm Räsäy köndäre qala könö menän bergä oyoştoroldo. Şuğa kürä qalala küp mäźäni saralar ütkärelde. Här mayźandağı xalıq yıyındarında Berźäm- Räsäy iñ şäbe tip äytelde. Qala uramdarında elengän şiğarźar ayırıusa qıźıq ine. Beź Putin planın ütäyäsäkbeź, Milli proekttar- firqäneñ real plandarı, Berźäm Räsäy- real keüek lozunğılar qala uramdarın «yämläp torźo». 50 yıl yäşägändärgä, yañı öyläneşkändärgä Berźäm Räsäyźeñ mul büläktäre lä tapşırıldı. Mäğlüm bulıuınsa Radiy Xäbirov firqäneñ Başqortostandağı haylau ştabı başlığı. Firqä isemlegendä ul prezident Mortaza Räximovtan huñ 2-se tora. İsemlektä yämğehe 39 keşe.
