Bügenge Rusiädä bar xäl itkeç urınnarnı – xökümättän alıp iqtisadqa qädär – urıs telendä "siloviki" dip yörtelgän, iminlek xezmätläreneñ elekke yä xäzerge wäkilläre alıp tora disäñ, zur yalğışlıq bulmastır. Rusiä elitasın öyränüçe belgeçlär mäğlümätenä qarağanda, üze dä şul uq xezmät wäkile bulğan Vlladimir Putin xakimiätkä kilgännän birle, Rusiäneñ iqtisad koridorlarına anıñ tağın 6 meñläp xezmättäşe kilgän.
Uzğan atna premier-ministr urınına hiç kötelmägän keşeneñ bilgelänüen dä belgeçlär 8 yıl däwam itkän şuşı täräqqiät mantıyğında yasalğan çirattağı adım dip bäyäli. Tärcemäi xälendä küzläwçe digän yullar bulmasa da, 7 yıl buyına finans küzläw idaräsen citäklgän häm ildäge här milekneñ niçek yatqanın belgän Viktor Zubkov asılda şul uq dairä wäkile, di alar.
Belgeçlär äytüençä, Rusiä häm sovet tarixında da iminlek xezmätläreneñ cämğiättä bu qädär kiñ cäyelgäne äle bulmağan.
FSB başlığı Nikolay Patruşevnı inde äytep torası yuq, eçke eşlär ministrı Räşit Nurgaliev, Tamojnya xezmäte başlığı Andrei Belyaninov, Migratsiä xezmäte başlığı Konstantin Romodanovskiy, Rosoboroneksport başlığı Sergei Çemezov, mädäniät häm massaküläm kommunikatsiälär idaräse başlığı Boris Boyarskov häm tağın küplär prezident ütkän yulnı ütkännär, qayberläre, äytik Belyaninov yä Çemezov kebekläre, xättä anıñ belän bergä xezmät itkän.
Kiläse yılnıñ martında ütäçäk prezident saylawlarında iñ yış telgä alınğan 4 namzätneñ 3se dä – şul uq "siloviklar".
Berençe vitse-premier Sergei İvanov tormış yulın Putin şikelle Leningrad KGBsında başlağan. Tağın ber vitse-premier Sergei Narışkin, şulay uq, Putin şikelle, tışqı küzläw üzägendä belem estägän. Timer yullar başlığı Valdimir Yakunin sovet çorında tışqı säwdä komitetı häm Berläşkän Millätlär oyışmasında xezmät itep xärbi büläklärgä layıq bula alğan.
Mäskäwdäge wazğiät analizı institutı belgeçläre äzerlägän xisapqa qarağanda, bügenge Rusiädä bay eşquar häm oliğarxlarnıñ säyäsi yoğıntısı "siloviklar" belän çağıştırğanda inde yuq däräcäsendä. İqtisadi qüätkä iä bulunıñ ber yulı – däwlät qaramağındağı mega-korporatsiälär tözep alarnıñ başına basu.
Belgeçlär monı Könyaq Aziä illärendäge avtoritar kapitalizm belän çağıştıra.
Soñğı misal itep MiG, Suxoy häm Tuploev şirkätläre nigezendä tözelgän Berläşkän Avia korporatsiäne, yä isä başında şul uq Narışkin bulğan Berläşkän köymä tözüçelär kompaniäsen, yä is Vneştorgbanknı kiterep bula.
Belgeçlär farazına qarağanda, kiläçäktä mondıy mega-korporatsiälär Rusiäneñ saqlanu, atom häm maşina tözü tarmaqların da qabıp yotaçaq.
ali ğilmi
Uzğan atna premier-ministr urınına hiç kötelmägän keşeneñ bilgelänüen dä belgeçlär 8 yıl däwam itkän şuşı täräqqiät mantıyğında yasalğan çirattağı adım dip bäyäli. Tärcemäi xälendä küzläwçe digän yullar bulmasa da, 7 yıl buyına finans küzläw idaräsen citäklgän häm ildäge här milekneñ niçek yatqanın belgän Viktor Zubkov asılda şul uq dairä wäkile, di alar.
Belgeçlär äytüençä, Rusiä häm sovet tarixında da iminlek xezmätläreneñ cämğiättä bu qädär kiñ cäyelgäne äle bulmağan.
FSB başlığı Nikolay Patruşevnı inde äytep torası yuq, eçke eşlär ministrı Räşit Nurgaliev, Tamojnya xezmäte başlığı Andrei Belyaninov, Migratsiä xezmäte başlığı Konstantin Romodanovskiy, Rosoboroneksport başlığı Sergei Çemezov, mädäniät häm massaküläm kommunikatsiälär idaräse başlığı Boris Boyarskov häm tağın küplär prezident ütkän yulnı ütkännär, qayberläre, äytik Belyaninov yä Çemezov kebekläre, xättä anıñ belän bergä xezmät itkän.
Kiläse yılnıñ martında ütäçäk prezident saylawlarında iñ yış telgä alınğan 4 namzätneñ 3se dä – şul uq "siloviklar".
Berençe vitse-premier Sergei İvanov tormış yulın Putin şikelle Leningrad KGBsında başlağan. Tağın ber vitse-premier Sergei Narışkin, şulay uq, Putin şikelle, tışqı küzläw üzägendä belem estägän. Timer yullar başlığı Valdimir Yakunin sovet çorında tışqı säwdä komitetı häm Berläşkän Millätlär oyışmasında xezmät itep xärbi büläklärgä layıq bula alğan.
Mäskäwdäge wazğiät analizı institutı belgeçläre äzerlägän xisapqa qarağanda, bügenge Rusiädä bay eşquar häm oliğarxlarnıñ säyäsi yoğıntısı "siloviklar" belän çağıştırğanda inde yuq däräcäsendä. İqtisadi qüätkä iä bulunıñ ber yulı – däwlät qaramağındağı mega-korporatsiälär tözep alarnıñ başına basu.
Belgeçlär monı Könyaq Aziä illärendäge avtoritar kapitalizm belän çağıştıra.
Soñğı misal itep MiG, Suxoy häm Tuploev şirkätläre nigezendä tözelgän Berläşkän Avia korporatsiäne, yä isä başında şul uq Narışkin bulğan Berläşkän köymä tözüçelär kompaniäsen, yä is Vneştorgbanknı kiterep bula.
Belgeçlär farazına qarağanda, kiläçäktä mondıy mega-korporatsiälär Rusiäneñ saqlanu, atom häm maşina tözü tarmaqların da qabıp yotaçaq.
ali ğilmi