Rusiä prezidentı Vladimir Putinnıñ AQŞ belän Rusiä arasında Yevropada raketalardan saqlanu cihazların urnaştıru turındağı bäxäsne 1962nçe yılda Kubada quyılğan raketalar tiräsendäge Karibik nizaq belän çağıştıruın AQŞ Däwlät Departamentı kire qaqtı. Matbuğat wäkile Sean McCormack, ike waqiğa arasında bik zur tarixi ayırma bar, alar arasında ber nindi dä çağıştıru bula almıy, dip belderde. Bu süzlären Putin comğa könne äytkän ide.
