Accessibility links

Кайнар хәбәр

Yewropa Kommissiäse Berlekneñ kiñäyü mömkinleklären bilgeläde


Yewropa Kommissiäse bügen Berlekneñ ömetläre turında yıllıq xisapların iğlan itte. Anda Xorvatia, Makedonia, Törkiä, Albania, Bosnia-Hercegovina, Albaniä, Serbiä, Kosovo kebek quşıluğa nämzät illär turında, Yevropa Berlegeneñ alarnı qabul itärgä teläge häm şuşı illärneñ quşıluğa äzerlek däräcäse xaqında süz bara.

Yewropa Kommissiäse Berlekkä kerü äzerlegen “Kopenhagen kriteriäläre” digän isem astında tanılğan sıyfatlar belän bilgelärgä çaqırdı. Xisapta qaysı ilneñ qayçan qabul itelüe turında farazlar yuq, anda barı tik Yewropa Berlegenä kergän 27 ildäge säyäsi xälgä centekle analiz kertelgän, dip xäbär itelä. Läkin andağı yomğaqlar Xorvatiägä ömet birä ala, Makedoniäneñ telägenä kirtä quya, Törkiägä qarata qaraş üzgärmäwen kürsätä.

Bar Balkan illärenä Yevropa Berlegenä kerü 2003 yılda uq wäğdä itelgän ide. Alar aldında öçen xäzer töğäl quşılu waqıtı ğına bilgeläw mäsäläse tora. Xorvatiä, 3-5 yılda quşıla ala, Makedoniä Balkandağı illär arasında Yewropa Berlegenä quşılırğa äzer tügel, dip äytelde. Törkiä - quşılırğa teläwçe nämzätlärneñ tağın berse. Yewropa berlegeneñ xisabında, Törkiäneñ cinayät kodeksındağı 301 mätdäsenä tänqit belderelä. Bu mätdä törek millätenä qarşı cinäyätlärne ğäyepli. Misal öçen, 1915 yıldağı ärmän genodsidı turında yazğan yazuçı Orxan Pamuk şuşı mätdä nigezendä ğäyeplängän ide. İlneñ zurlığı häm ildäge xalıqnıñ küpçelege möseleman buluı, Törkiäneñ Yevropa Berlegenä quşılu şansların kimetä.

Ber kemgä ser tügel, Fransiä başlanğıçı belän alıp barılğan aqıl iyäläre törkeme, üzenä kürä “Aqsaqallar şurası”, fiker alışular näticäsendä Törkiä nämzätlär isemlegennän töşep qalır, digän qaraştan çığıp tözelgän ide. Älege Aqsaqallar şurası Yevropa Berlegeneñ dekaberdä bulası samitına çaqıralaçaq. Fransiä häm anı teläktäşlek kürsätü illär, Törkiäğä Berlektä tulı xoquqlı äğzä bulu urınına almaşqa başqa yul täqdim itelü mömkinlegen kötä ala. Ankara, bu täqdim Törkiä tarafınnan qabul itelmäyäçäk, dip äytep kilä.
XS
SM
MD
LG