Accessibility links

Кайнар хәбәр

Kosovo çigendä bulğan bäreleşlärneñ asılında ni yata?


Makedoniä polisiäse, kiçä küpçelege albannar yäşägän Makedoniäneñ tön yağındağı töbäktä çıqqan atışu waqıtında, cinäyätçelektä ğayeplänüçe 8 ğisyançını ütergän. Kosovanın bäysezlege mäsäläse sonğı yulına kergändä, Makedoniädä etnik xalıqlar arasında kiyerenkelek artamı?

Makedoniä polisiäse çınnan da, Kosovodañ kilgän yaxşı qorallı cinäyätçelär belän köräşä me, ällä asılda xällär başqaçaraq mı?

Makedoniä räsmiläre küzlegennäñ qarğanda, bu waqiyğa, ğadi polisiä çarası gına ide.

Eçke eşlär ministrı Lirip Jakupi, bu çaranın maqsatın, Kosovo yaqınnarında törmädän qaçqan totqınnar citäklägän qorallı cinäyätçelärgä qarşı ide dip añlata.

Läkin, küzätüçelärneñ kübese bu waqiyğanın normal cinäyät basqınınnañ ayırmalı buluına iğtibar itä. Operasiädä üterelgän törkem qullanğan qorallarğa qarağanda, alar ğadi ber cinäyätçedäñ kübräk partizannar qıäfätendä bulularına iğtabar yünälderelä.

Skopje xaqimiäte, NATO häm Yewropa Berlegenä äğzälege barışında, il eçendä üzen totırıqlı bularaq kürsätergä tırışa. Läkin bu tırışlığı, suğışçı törkemnär tarafınnañ bozıla.

Skopjedäge, Saqlanu fännäre İnstitutı professorı, Biljana Vankovska, äz külämdä törkemnär bula ala läkin monda süz alarnıñ küpme buluı mäsäläse tügel di ul. Mäsälä alarnıñ, iminlekkä qurqınıç tudıru tudırmaw mäsäläse.

Vankovska bu törkemnärneñ maqsatı belgele tügel di. Läkin bu tırılıqlar, alban asıllı makedoniäle citäkçelegendäge, Kosovonıñ, dekäbr başında bäysezlegen iğlan itü maqsatına bäyle buluı ixtimal di ul.

“Bu barı tik bäysezlek öçen genä bulğan ber köräştä tügel, şul uq waqıtta bu Kosovo citäkçelegen alu öçen ber köräş. Şuña xäzer bik küp citäkçe xällärne küzätä genä. Bu Albannar arasındağına bulğan Makedoniä nizağı tügel, şul uq waqıtta bu böten töbäkne dä eçenä ala.”

Şul uq waqıtta Kosovo räsmiläre, xälne tınıç yullardan xäl itärgä täqdim itä. Kosovo Premyerı Avni Arifi, 25 protsentıñ alban asıllı xalıq täşkil itkän Makedoniädä, Kosovo citäkçelege totırıqlılıq yaqlı dide.

Makedoniäneñ tönyaq könbatış töbäge, 2001nçı yıldan birle watanadaşlar suğışınnañ ziyan kürä. Albannarnıñ baş kütärüe bastırıldı. Çik buyındağı nizaqlarnı çişär öçen Könbatış tarafınnañ albannarga küberäk xoquq birgän, tınıçlıq häm yañarış proyektı kertelde. Läkin Töbäktäge alban asıllı makedoniälelär arasında üzäk xaqimiätkä bulğan riziasızlıq kimemäde.
XS
SM
MD
LG