Gruziädäge waqiğalar başqa däwlätlärdä iğtibarsız qalmadı. Rusiädä, Ärmänstanda häm Qırğıstanda da küzätep tordılar. Gruziä kürsätkän yuldan, külämle qarşılıq çaraların politsiä tarafınnan quyıp taratu, häm axırda säyäsi kileşügä ireşü yulınnan başqa däwlät liderları da barırlarmı? Prezident Saakaşvilinıñ 8 noyaberdä waqıttanan elek prezident saylawların ütkärergä täqdim itüe, oppozitsiä tarafınnan ciñü bularaq qabul itelde. Başqa illärdäge oppozitsiä citäkçeläre moña qadär bulğan waqiğalarğa kübräk iğtibar birgän ide. Politsiäneñ gaz sipterep, su attırıp uram ciyının quyıp taratuğa häm ğadättän tış xäl iğlan itügä, däwlättän bäysez mäğlümat çaralarınıñ eşen tuqtatuğa zur iğtibar birde.
Bu waqiğalar Saakaşvilinı demokrat dip uylağan taraflar öçen küñelez açış alıp kilde. Küpqä qatıraq rejimnarda yäşäwçe xalıqlar bu ğamällär, başqa fikerdä toruçılarnı bastıru öçen ürnäk bula ala, dip qurqa. Ärmänstan oppozitsiäse dä qatı çaralardan şiklänä. Yerevanda küptän tügel, Prezident Robert Koçeryännıñ eşennän kitüen taläp itkän uram ciyını ütkän ide. Bu qarşılıq çarası tınıç ütte, ämma oppozitisiä Gruziädäge misal cirle citäkçelärgä şulay uq eş itärgä yul açar, dip qurqa. Ärmänstan oppozitsiäse citäkçese Aram Karapetiyan: “Bolar barısı da Ärmänstanda da bula ala. Minem añlawımça, ägär saylaw näticäläre yalğan bulsa, keşelär uramğa çığaçaq häm şundıy uk çaralar bezdä dä bula ala. Gruziädä bulğan xällär bik möhim, Saakaşvilinıñ gämälläre kiçermäslek.”- di.
Ärmänstanda prezident saylawları 19 fevraldä bulaçaq.
Qırğızstanda da xakimiätlär april ayında xökümätkä qarşı uram ciyının gaz qullanıp häm su attırıp quyıp taratqan ide. Qırğıstan oppozitsiäse wäkile Omurbäk Abduraxmanov, xakimiätlärneñ mondıy qatı çaraları oppotisiäneñ berläşüenä genä kiteräçäk, dide. “Oppozitsiä tıyılıp qalmıy. Prezidentlar, xalıqnı quyıp taratu oppozitsiäne tıyıp torırğa bula, dip uylıy, bu bulmayaçaq. Oppozitsiä nığıyaçaq qına. Mondıy ğämällär keşelärneñ açuın çığara. Minem uylawımça Saakaşvili ciñelde.” – di Omurbäk Abduraxmanov. Belarustağı xökümätkä yaqın Liberlal demokratik firkäneñ liderı Syargey Hajdukieviç Gruziä citäkçese xata yasadı, dip sanyı. “ Grusiä citäkçeseneñ, demorkatik qıymmätlärne yuğaltu ğına tügel, xakimiyätne bik yaratuı kürende. Bu awıru bik küplärda oçrıy. Ul waqıtta keşelär, xakimiätne saqlaw öçen bar närsäne dä eşli. Bu zur xata. Uylawımça, alğa taba wäzğiyät qatlawlana ğına baraçaq”- di Belarustağı säyäsätçe Syargey Hajdukieviç.
Qırğızstanda da xakimiätlär april ayında xökümätkä qarşı uram ciyının gaz qullanıp häm su attırıp quyıp taratqan ide. Qırğıstan oppozitsiäse wäkile Omurbäk Abduraxmanov, xakimiätlärneñ mondıy qatı çaraları oppotisiäneñ berläşüenä genä kiteräçäk, dide. “Oppozitsiä tıyılıp qalmıy. Prezidentlar, xalıqnı quyıp taratu oppozitsiäne tıyıp torırğa bula, dip uylıy, bu bulmayaçaq. Oppozitsiä nığıyaçaq qına. Mondıy ğämällär keşelärneñ açuın çığara. Minem uylawımça Saakaşvili ciñelde.” – di Omurbäk Abduraxmanov. Belarustağı xökümätkä yaqın Liberlal demokratik firkäneñ liderı Syargey Hajdukieviç Gruziä citäkçese xata yasadı, dip sanyı. “ Grusiä citäkçeseneñ, demorkatik qıymmätlärne yuğaltu ğına tügel, xakimiyätne bik yaratuı kürende. Bu awıru bik küplärda oçrıy. Ul waqıtta keşelär, xakimiätne saqlaw öçen bar närsäne dä eşli. Bu zur xata. Uylawımça, alğa taba wäzğiyät qatlawlana ğına baraçaq”- di Belarustağı säyäsätçe Syargey Hajdukieviç.