Accessibility links

Respublikanıñ xärbi komissariatı tağı la berense urında


Ämmä bıl yulı komissariat wäkildäre etdi problemalar barlığın da tanırğa mäjbür. Xärbi komissar Timofey Azarov äyteüensä, yuğarı uqıu yorttarında studenttarğa teyeşle iğtibar birep etkermäy. Şunlıqtan belem bireü uçrejdenieların tamamlağan egettärźeñ kübehe sälämätlege buyınsa armiyağa yaraqhıź tip tabıla. Bıl xaqta respublikanıñ xärbi komissarı Timofey Azarov xärbi xeźmätkä saqırılış komissiyahı ultırışında belderźe. Respublikala 47 meñ 239 eget xärbi xeźmätkä saqırılıu yäşendä, şul iśäptän 2 meñ 140 keşe yuğarı belemle. Köźgö saqırılışta Başqortostandan 7 meñ 315 keşe Qorallı Köstärgä alınasaq. Äle ularźıñ 4 meñ 6 yöźö xärbi bülektärgä oźatılğan da inde. Žöźömtälär buyınsa Başqortostan Ural-Volğa buyı federal töbägendä berense urında. Komissiya ağzaların xärbi xeźmät yäşendäge egettärźeñ sälämätlege nasaraya barıuı la borsouğa hala. Respublikala oyoştorolğan 63 meditsina komissiyahı aşa 30 meñdän aşıu keşe ütkän. Ularźıñ 11 meñe genä tulıhınsa hau tip tabılğan. Ultırışta bildäläneüensä, bigeräk tä yuğarı uqıu yorton tamamlağan egettärźeñ sälämätlege nasar. Komissiya räyese Fidus Yamaletdinov mäğarif uçrejdenieları etäkselärenä tuqlanıu häm fizik kultura ölkähenä iğtibarźı arttırırğa käñäş itä. Respublikanıñ baş komissarı äyteüensä, xärbi xeźmätkä saqırılış eşen oyoştorou eñeldän tügel. Ber egette armiya saftarına oźatıu ösön 35 meñ tirähe aqsa sarıf itelä. Kilähe yıl respublikanıñ xärbi komissariattarı ösön kösörgäneşle bulasaq. 2008 yıldan başlap xärbi xeźmät waqıtı 1 yılğa tiklem qıśqartıla. Žöźömtälä Räsäy armiyahı saftarı nıq hirägäyäsäk. Unı tultırıu ösön xärbi xeźmätkä alınıu yäşeneñ dä oźaytılıuı ixtimal, ti xärbiźär.

B Fatqullin, Öfö

XS
SM
MD
LG