BÄĞDÄD -- Berläşkän millätlär oyışması bügen Ğiraqnı, kiläse yılğa, köç qullanuğa qarşı xalıqara kileşügä qul quyarğa çaqırdı. BMOnıñ Ğiraqtağı yuğarı räsmiye Steffan de Mistura, bügen yasağan çığışında: "köç qullanuğa qarşı xalıqara kilüşügä quşılu, ul ilneñ demokratiä aşa niçek terorçılıqqa qarşı suğışa aluın häm keşe xoquqlarına ni däräcä yaqlağan buluın kürsätergä yärdäm itäçäk" dide. BMO, Ğiraq saqlanu häm eçke eşlär ministrlıqları qaramağındağı qulğa alu üzäklärendäge insani bulmağan möğamälälär häm köç qullanu oçraqları äle dä zur borçı oyata dip belderde.
