Кеше хокуклары көне

Ул 1948нче елның 10нчы декабрендә Берләшкән Милләтләр Оешмасының Генераль ассамблеясында кеше хокуклары турында декларация кабул ителгәннән соң билгеләнә башлаган. Әлеге көн уңаеннан бүген республика прокуратурасы бинасы янында пикет узды. Анда кеше хокукларын яклау оешмалары җитәкчеләре, кайбер җәмәгатьчелек оешмалары вәкилләре, бәйсез журналистлар катнашты. Пикетчылар Башкортстанда сәяси эзәрлекләнүләрне туктатуны таләп итте.