Accessibility links

Кайнар хәбәр

Rusiä Federatsiäseneñ Konstitutsion mäxkämäse Tatarstandağı «Ravnopravie i zakonnost'» xäräkäte aktivistları dägwasına qarar çığardı


Rusiä Federatsiäseneñ Konstitutsion mäxkämäse Tatarstandağı «Ravnopravie i zakonnost'» xäräkäte aktivistları dägwasına qarar çığardı

Sişämbe könne, 25 dekaberdä, Rusiä Federatsiäseneñ Konstitutsion mäxkämäse Tatarstandağı «Равноправие и законность» xäräkäte aktivistları Soltanov, Ştanin, Xafizov däğwası buença qarar çığardı. Nindi däğwa ide soñ ul? Şuşı yılnıñ başında Soltanov, Ştanin, Xafizov Tatarstan Yuğarı mäxkämäsenä Tatarstan üzäk saylaw komissiäseneñ Däwlät Sovetı deputatlığına saylawlarda qatnaşqan 56 rayon başlıqları häm başqa citäkçelärne Tatarstan parlamentı deputatı itep terkäwe turındağı qararı döres tügel, dip yazılğan ide bu däğwa. Tatarstan Yuğarı mäxkämäse älege eşne qaramıyça, kire qaytarğan ide. Monıñ öçen nigez itep, Rusiä grajdanlıq-protsessual' Kodeksınıñ 208 maddäseneñ ikençe öleşe qullanılğan. Yäğni, Soltanov, Ştanin, Xafizownıñ Tatarstan Saylaw komissiäse östennän birgän şiqayäte tikşerelmägän kileş kire qağılğan bulğan. 25 dekaberdä Rusiä Konstitutsion mäxkämäse älege d bayağı Grajdanlıq protsessual' Kodeksınıñ 208 maddäseneñ ikençe öleşe Rusiä Kontstitutsiäsenä täñgäl kilmi, digän näticä yasalğan. Bu ni digän süz? Ägärdä-mägär Ştanin, Xafizov, Soltanov Tatarstan Yuğarı sudına kilep, respubliqa saylaw komissiäse rayon başlıqların deputat itep terkämäskä tieş ide, digän ğariza birsälär, däğwaçılarnı kire borıp çığarmıyça, mäxkämädä eşne qararğa tieşlär. Bu eşne Yuğarı mäxkämä kem faydasına xäl itüe bilgele tügel, monısı mäxkämä bulğan oçraqta ğına açıqlanır ide.

Qısqası, xäzer administratsiä başlıqlarına deputat mandatı birüne kire qağu turında ğarizanı tikşermiçä, xiç yaramıy. Ämma-läkin xäzergä 56 deputatnıñ waqälätläre yukqa çığarıldı, dip tawışlanu irtäräk. Çönki soñraq qabul itelgän qanunnıñ köçe artqa taba tügel, alğa taba, kiläçäkkä tä'sir itä. «Rosbizneskonsalting» agentlığı Rusiä Konstitutsion mäxkäsämeneñ qarar turıdağı xäbärne şundıy baş astında tarattı. Soltanov, Ştanin, Xafizov wıigradi v Yeonstitutsionnom sude RF delo o 56 deputatax Gossoveta RT. Tatarstan Yuğarı mäxkämäse äğzası Rafael' Şaqircanownıñ şul uq sişämbe könne birgän añlatmasına qarağanda, Konstitutsion mäxkämäse Tatarstan qanunın Üzäk saylaw komissiäse qararın tügel, ä Rusiäneñ Grajdanlıq protsessual' Kodeksınıñ 208 maddäseneñ ikençe öleşen yukqa çığarğan. Däğwaçılar qanäğät, läkin xäzergä deputat mandatlı glavalarnıñ tübäsenä «su ütte», dip äytergä dä irtäräk. Rusiä qanunnarınıñ aerım maddäläre Rusiä Konstitutsiäsenä turı kilmägäç, alarnı yukqa çığaralar ikänlegen belep torırğa kiräk. Mondıy xoquqıy kolliziä häm elmäkle-qarmaqlı qanun yulların töşener öçen yurisprudensiä belän mawıqmağan millättäşlärebezgä Alla üze yärdäm itep, zihen häm tel açqıçları birä kürsen. Ni qızğanıç, bezneñ xalıq mondıy äkämätlärneñ eçtälege belän siräk qızıqsına. Xäzerge säyäsi wäzğıättä xoquq normaların tögäl itep öyränüneñ ähämiäte arta bara.

XS
SM
MD
LG