Şuşı könnärdä Rusiä Prezidentı Vladimir Putin Rusiä Federatsiäse ministrı itep İdelbuyı federal' okrugınıñ tulı waqälätle wäkile urınbasarı Vladimir Zorinnı bilgelänüe turında färman çıgardı. Rusiä mäğlümat çaralarında anıñ milli säyäsät belän şöğıllänäçäge turında xäbär itälär. Tatarstan säyäsätçeläre öçen bu xäbär yaxşı ömetle yañalıq bularaq qabul itelä. Çönki Vladimir Zorin soñgı waqıtta İdelbuyı federal' okrugında Rusiä Prezidentınıñ tulı waqälätle wäkile urınbasarı bulıp eşlägändä, näq menä milli mäs’älälärne alıp bardı. Qısqa gına waqıt eçendä ul Tatarstan belän tıgız elemtägä kerde, berniçä tapqır kilep, däwlät, xökümät citäkçelege belän oçraştı.
Vladimir Zorin belän xökümät, däwlät eşläre, milli mäs'älälär buença berniçä tapqır oçraşqan-añlaşqan Tatarstan Ministrlar Kabinetınıñ xalıqlar telläre üsterü bülege başlıgı Kim Miñnullin Vladimir Zorinnıñ Rusiä ministrı wazifasına bilgelänü uñaennan «Azatlıq» radiosına üzeneñ tä'sirläre belän urtaqlaştı. Ul Vladimir Zorinnı milli mäs'älälärdä tiränräk fiker yörtä torgan, bu mäs'älädä törle tösmerlärne tanuın, Tatarstandağı mädäni , mäğärif mäs’älälärgä federal' üzäk mönäsäbätennän aermalıraq, uñayraq mönäsäbättä buluın bilgeläp ütte. Tatnews İnternet säxifäsendä Vladimir Zorinnıñ ministr wazifasına bilgelänü xäbärenä anıñ İdelbuendağı etnik häm konfessional' problemalar, etnik, mädäni, däwlät säyäsäte turındağı kommentariäse belän bergä quşılıp birelde. Bu kommentariyğa kereş süzdä «bezneñ bügenge tikşerenülärebez İdelbue milli respublikalarında etnik bilgelär buença berläşü küreneşe kimi bara häm yaqın kiläçäktä konfessional' faktor üsä barır, dip farazlarga bula», dielä. Vladimir Zorin üzeneñ kommentariäsendä şundıy tikşerenülärdä bilgele bulğan sannar da kiterä. Ul kitergän mäğlümatlar buença, Tatarstanda şähärlärdä konfessional' bilge buença, yäğni din buença, tatarlarnıñ 38% berläşä, ruslarnıñ - 39 %. Ä millät buença xäzergä elekke xalıq sanı alu mäğlümatları buença bilgele, yartığa-yartı çaması.
Vladimir Zorin belän xökümät, däwlät eşläre, milli mäs'älälär buença berniçä tapqır oçraşqan-añlaşqan Tatarstan Ministrlar Kabinetınıñ xalıqlar telläre üsterü bülege başlıgı Kim Miñnullin Vladimir Zorinnıñ Rusiä ministrı wazifasına bilgelänü uñaennan «Azatlıq» radiosına üzeneñ tä'sirläre belän urtaqlaştı. Ul Vladimir Zorinnı milli mäs'älälärdä tiränräk fiker yörtä torgan, bu mäs'älädä törle tösmerlärne tanuın, Tatarstandağı mädäni , mäğärif mäs’älälärgä federal' üzäk mönäsäbätennän aermalıraq, uñayraq mönäsäbättä buluın bilgeläp ütte. Tatnews İnternet säxifäsendä Vladimir Zorinnıñ ministr wazifasına bilgelänü xäbärenä anıñ İdelbuendağı etnik häm konfessional' problemalar, etnik, mädäni, däwlät säyäsäte turındağı kommentariäse belän bergä quşılıp birelde. Bu kommentariyğa kereş süzdä «bezneñ bügenge tikşerenülärebez İdelbue milli respublikalarında etnik bilgelär buença berläşü küreneşe kimi bara häm yaqın kiläçäktä konfessional' faktor üsä barır, dip farazlarga bula», dielä. Vladimir Zorin üzeneñ kommentariäsendä şundıy tikşerenülärdä bilgele bulğan sannar da kiterä. Ul kitergän mäğlümatlar buença, Tatarstanda şähärlärdä konfessional' bilge buença, yäğni din buença, tatarlarnıñ 38% berläşä, ruslarnıñ - 39 %. Ä millät buença xäzergä elekke xalıq sanı alu mäğlümatları buença bilgele, yartığa-yartı çaması.