Düşämbe könne, Rusiädäge tıñlawçılarıbıznıñ küpçelege eşkä çıqmıyça öydä bäyräm itkän çaqta, tatarstanlılar başbaştaqlılıq kürsätmäde. Pravoslav dinen totuçılar belän bergä başqa din wäkilläre häm bötenläy Allağa tabınıp ğibädät qılmawçılar da Raştua bäyrämen bilgeläp üttelär.
Respublika prezidentı Mintimer Şäymiev üzeneñ räsmi qotlaw möräcäğätendä menä närsä äytte. «Xörmätle pravoslav dinndäge watandaşlar! Sezne böten dönya xristiannarı öçen yaña era — igelek, märxämät häm tuğanlıq erası başlanunı bilgeläwçe böyek Raştua bäyräme belän ixlas küñeldän qotlıym. Pravoslav dine küpmillätle respublikabıznıñ küp xalıqları wäkilläre totqan din bularaq, islam häm başqa traditsion dinnär belän ber rättän bügenge köndä etnikara häm konfessiäara tatulıqnı nığıtuçı äxlaqıy faktor bulıp tora. Raştua könen bäyräm itü yöräkläregezgä üzara añlaşu, can cılısı östär dip ışanam», dip belderde Mintimer Şäymiev.
Pravoslav dinen totuçı urıslar, ukrainnar belän berrättän, Raştua bäyrämen tatar xalqınıñ üzençälekle ber öleşe bulğan keräşen tatarları da bilgeläp ütä. Şuşı bäyrämgä turı kiterep keräşen fol'klorı kiçäse ütkärelde. Qazanda keräşen tatarları öçen tatar telendä ğibädät qılu mömkinlege tudırılğan. Keräşen tatarlarınıñ tuğan telendä dini yolalar alıp baruçı ataqay, ğadi äytkändä popnıñ buluwı xäzerge zamannıñ bilgese. Üzgärtep qoru yıllarına qadär keräşen qardäşlärebezgä iğtibar bermä-ber azraq birelä ide. Din belän däwlät ayırım dip iğlan itelsä dä, däwlätneñ dä, dinneñ dä töp tayanıçı xalıq bulğanlıqtan, ruxi häm däwläti tormış ber waqıtta da ayırılmağan. Ägär dä kem dä bulsa üze telägän dinne tota başlasa, anı berkemdä tıyarğa xaqlı tügel. Bu — wöcdan irege dip atala.
Şul uq waqıtta, Rusiäneñ däwlät säyäsäte ozaq ğasırlar buyı pravoslav dinenä östenlek birgän häm aña başqa din wäkillären cälep itü öçen çaralar kürgän. Qayber töbäklärdä köçläp çuqındıru ğämälläre bulsa, anıñ dä näticäse küzgä kürenä. İxlas räweştä çirkäw täğlimätenä ışanğan pravoslav dinen totuçılarnıñ wöcdan irege häm üzençälege däwlät sağı astında bulırğa tieş. Ä başqalar obyektiv tarix bitlären täfsilläp öyränä alalar.
Respublika prezidentı Mintimer Şäymiev üzeneñ räsmi qotlaw möräcäğätendä menä närsä äytte. «Xörmätle pravoslav dinndäge watandaşlar! Sezne böten dönya xristiannarı öçen yaña era — igelek, märxämät häm tuğanlıq erası başlanunı bilgeläwçe böyek Raştua bäyräme belän ixlas küñeldän qotlıym. Pravoslav dine küpmillätle respublikabıznıñ küp xalıqları wäkilläre totqan din bularaq, islam häm başqa traditsion dinnär belän ber rättän bügenge köndä etnikara häm konfessiäara tatulıqnı nığıtuçı äxlaqıy faktor bulıp tora. Raştua könen bäyräm itü yöräkläregezgä üzara añlaşu, can cılısı östär dip ışanam», dip belderde Mintimer Şäymiev.
Pravoslav dinen totuçı urıslar, ukrainnar belän berrättän, Raştua bäyrämen tatar xalqınıñ üzençälekle ber öleşe bulğan keräşen tatarları da bilgeläp ütä. Şuşı bäyrämgä turı kiterep keräşen fol'klorı kiçäse ütkärelde. Qazanda keräşen tatarları öçen tatar telendä ğibädät qılu mömkinlege tudırılğan. Keräşen tatarlarınıñ tuğan telendä dini yolalar alıp baruçı ataqay, ğadi äytkändä popnıñ buluwı xäzerge zamannıñ bilgese. Üzgärtep qoru yıllarına qadär keräşen qardäşlärebezgä iğtibar bermä-ber azraq birelä ide. Din belän däwlät ayırım dip iğlan itelsä dä, däwlätneñ dä, dinneñ dä töp tayanıçı xalıq bulğanlıqtan, ruxi häm däwläti tormış ber waqıtta da ayırılmağan. Ägär dä kem dä bulsa üze telägän dinne tota başlasa, anı berkemdä tıyarğa xaqlı tügel. Bu — wöcdan irege dip atala.
Şul uq waqıtta, Rusiäneñ däwlät säyäsäte ozaq ğasırlar buyı pravoslav dinenä östenlek birgän häm aña başqa din wäkillären cälep itü öçen çaralar kürgän. Qayber töbäklärdä köçläp çuqındıru ğämälläre bulsa, anıñ dä näticäse küzgä kürenä. İxlas räweştä çirkäw täğlimätenä ışanğan pravoslav dinen totuçılarnıñ wöcdan irege häm üzençälege däwlät sağı astında bulırğa tieş. Ä başqalar obyektiv tarix bitlären täfsilläp öyränä alalar.