Tatarstan Milli kitapxanäsendä «Ruxi mirasıbız cäwhärläre» digän kürgäzmä açıldı

Tatarstan Milli kitapxanäse qulyazmalar häm siräk kitaplar bülegeneñ 10 yıllığı uñayınnan älege kitapxanädä «Ruxi mirasıbız cäwhärläre» digän kürgäzmä açıldı. Ekspozitsiägä quyılğan tatar häm şärıq ädäbiätläre bülege kitapları arasında Ş.Märcänineñ «Kitabı möstäfädel - Äxbar fi äxwäle Qazan wä Bolğar» tarixi xezmäte, patşabikä Yekaterina II tatar telenä tärcemä itelgän ukazlar cıentığı, Qol Ğalineñ «Qıssai Yosıf» häm Şäyex Säğdineñ «Gölestan» äsärläreneñ qulyazma küçermäläre, K.Nasıyri, M.Ğafuri, G.Tuqay, S. Maqsudi kebek başqa mäşhür ädiplärebezneñ üzläre yäşägän däwerdä basılğan fänni xezmät häm ädäbi äsärläre, XX yöz başında çıqqan jurnallar belän tanışırğa bula, dielä «Tatar-İnform» agentlığı xäbärendä.