Soñğı könnärdä Tatarstanda şaqtıy ğına aktiv tormış bara. Şul isäptän, eşmäkärlek, biznes ölkäsendä dä. Şuşı arada ğına Qazanda berniçä çit il kompaniäse wäkilläre, eşmäkärlär säyäxät itä. Mäsälän, 22 ğinwardan 25 qädär Tatarstanda İtaliäneñ «Technimont» häm Finlyandiäneñ «Borealis» firmalarınıñ citäkçeläre bulaçaq. Alar bezgä «Kazanorgsintez», «Nijnekamskneftexim» şirqätläre belän tanışu niyätennän kilgännär ikän. Bu vizitlar turında Röstäm Minnixanovnıñ küptän tügel genä Finländiä, Şvetsiäga qılğan säfäre waqıtında kileşengän bulğan.
Şulay uq eş säfäre belän Fransiäneñ «Alstom Transport» şirkäteneñ wäkilläre dä Qazanğa kilde. Alar Tatarstan başqalasında bara torğan metro tözeleşendä qatnaşırğa niyätli ikän. Bu alarnıñ Qazanğa berençe genä kilüwe tügel. «Alstom Transport» wäkilläre respublikağa uzğan cäydä kilep, metro tözeleşendä qatnaşırğa teläklären belderep kitkän ide. Xäzer isä alar bu mäsäläne täfsilleräk itep tikşerep, kileşülär tözergä ömetlänälär. Äytep ütärgä kiräk, «Alstom Transport» şirkateneñ metro tözeleşe ölkäsendä täcribäse bik zur ikän. Alar İstanbul, Afina, Qahirä, Mexiko şähärläreneñ metro tözeleşendä qatnaşqannar. Xäzer bälki bu isemlekkä Qazan da quşılır.
Şulay uq eş säfäre belän Fransiäneñ «Alstom Transport» şirkäteneñ wäkilläre dä Qazanğa kilde. Alar Tatarstan başqalasında bara torğan metro tözeleşendä qatnaşırğa niyätli ikän. Bu alarnıñ Qazanğa berençe genä kilüwe tügel. «Alstom Transport» wäkilläre respublikağa uzğan cäydä kilep, metro tözeleşendä qatnaşırğa teläklären belderep kitkän ide. Xäzer isä alar bu mäsäläne täfsilleräk itep tikşerep, kileşülär tözergä ömetlänälär. Äytep ütärgä kiräk, «Alstom Transport» şirkateneñ metro tözeleşe ölkäsendä täcribäse bik zur ikän. Alar İstanbul, Afina, Qahirä, Mexiko şähärläreneñ metro tözeleşendä qatnaşqannar. Xäzer bälki bu isemlekkä Qazan da quşılır.