6 fevral'dä Mäskäwdä Qazannıñ 1000 yıllığın häm Sankt-Peterburgnıñ 300 yıllığın äzerläw häm ütkärü komissiäläreneñ berläşterelgän utırışı uzdı. Anı Rusiä Prezidentı Vladimir Putin alıp bardı. Ul bu ike tarixi häm xalıqara mäğnägä iä waqiğalärnı berläşterüne uñay bäyäläde. Yubilär şähärlär arasında urtaq çaralar ütkärüne dä döres eş, dide.
Qazandağı mäğlümat çaraları Vladimir Putinnıñ yubilär şähärlär, çınlap torıp, regional' säwdä häm turistik üzäklärgä äylänergä tieş, digän fikeren şärexläp kiterä. Şuşı uq utırışta federal' üzäktän birelgän aqçalarnı bu şähärlärdä real' tormış şartların yaxşırtuğa totıluwı mäslixät, diyelde. Ölge itep, Qazanda keşelärneñ yäşäw şartların yaxşırtu kiterelde. Tatarstannıñ tuzğan toraqnı beterü programması buyınça uzğan yıl 4 meñ ğailä tüläwsez fatir aldı, dielde. Qazan yubileena äzerlek barışı turında aerım süz barğanda, Vladimir Putin 2002 yılğa Tatarstan byudjetında yubileyğa digän matdi çığımnar citärlek külämdä tügel, digän fiker äytte. Älege utırışta Prezident Mintimer Şäymiev, Qazan administratsiäse başlığı Kamil İsxakov häm Tatarstan Fännär akademiäse prezidentı Mansur Xäsänov qatnaştı. Kamil İsxakov utırışta Qazannıñ 1000 yıllığına äzerlek eşläre barışı turında çığış yasadı.
6 fevral' könne kiç belän Qazan aeroportında Mintimer Şäymiev jurnalistlar sorawlarına cawap birde. Ul tağın ber qat Qazannıñ 1000 yıllığına totılaçaq matdi çığımnarnıñ, berençe çiratta könküreş problemaların xäl itügä totılaçağı turında äytte. 2002 yılğa federal' büdjettan yubileyğa äzerlek eşläre öçen bülep birelgän 1 milliard sum aqçanıñ ber öleşe şähärneñ tarixi üzägen tergezügä, ber öleşe metro tözeleşenä totılaçaq. Sorawlarğa cawap birgändä, Mintimer Şäymiev Tatarstan Konstitutsiäseneñ yaña redaksiäseneñ eçtälegenä qağılışlı sorawğa da cawap birde.
Qazandağı mäğlümat çaraları Vladimir Putinnıñ yubilär şähärlär, çınlap torıp, regional' säwdä häm turistik üzäklärgä äylänergä tieş, digän fikeren şärexläp kiterä. Şuşı uq utırışta federal' üzäktän birelgän aqçalarnı bu şähärlärdä real' tormış şartların yaxşırtuğa totıluwı mäslixät, diyelde. Ölge itep, Qazanda keşelärneñ yäşäw şartların yaxşırtu kiterelde. Tatarstannıñ tuzğan toraqnı beterü programması buyınça uzğan yıl 4 meñ ğailä tüläwsez fatir aldı, dielde. Qazan yubileena äzerlek barışı turında aerım süz barğanda, Vladimir Putin 2002 yılğa Tatarstan byudjetında yubileyğa digän matdi çığımnar citärlek külämdä tügel, digän fiker äytte. Älege utırışta Prezident Mintimer Şäymiev, Qazan administratsiäse başlığı Kamil İsxakov häm Tatarstan Fännär akademiäse prezidentı Mansur Xäsänov qatnaştı. Kamil İsxakov utırışta Qazannıñ 1000 yıllığına äzerlek eşläre barışı turında çığış yasadı.
6 fevral' könne kiç belän Qazan aeroportında Mintimer Şäymiev jurnalistlar sorawlarına cawap birde. Ul tağın ber qat Qazannıñ 1000 yıllığına totılaçaq matdi çığımnarnıñ, berençe çiratta könküreş problemaların xäl itügä totılaçağı turında äytte. 2002 yılğa federal' büdjettan yubileyğa äzerlek eşläre öçen bülep birelgän 1 milliard sum aqçanıñ ber öleşe şähärneñ tarixi üzägen tergezügä, ber öleşe metro tözeleşenä totılaçaq. Sorawlarğa cawap birgändä, Mintimer Şäymiev Tatarstan Konstitutsiäseneñ yaña redaksiäseneñ eçtälegenä qağılışlı sorawğa da cawap birde.