Mäğlüm ki, Konstitutsiä komissiäseneñ berençe utırışı 29 ğinwarda buldı. Bu utırıştan soñ komissiä äğzaları Konstitutsiäseneñ yaña redaksiäse eçtälegenä täfsille añlatma birmäde. Çönki eş däwam itä, tekst üzgärep toraçaq. Şulay da Konstitutsiäneñ töp maddäläre üzgärmäyäçäk, digän fiker äytelde.
7 fevral könne komissiäneñ ikençe utırışı buldı. Bu utırıştan da nindider şaqqatırğıç yañalıqlar kötmilär. «Время и деньги» gazetasında utırışqa qadär äzerlängän häm 7 fevral sanında çıqqan yazmada komissiä äğzası Marat Galiev süzlärenä tayanıp, Tatarstan Konstitutsiäseneñ yaña redaksiäse küläme buyınça qısqaraq bulaçaq, xäzerge 167 maddä urınına 122 genä maddä qala, dip äytelä. Bu üzgäreş Tatarstannıñ da, Rusiäneñ dä waqälätlären täğäyenläw belän bäylängän, dielä. Çärşämbe kiçendä Qazan hawa alanında Tatarstan Konstitutsiäsendä üzgäreşlär turında Mintimer Şäymiev bolay dide:
Üzgäreşlär bulır, şul uq waqıtta bar bit inde berniçä statya, bigräk tä däwlät suverenitetına qağılışlı, Prezident waqälätlärenä qağılışlı, şartnamäneñ yazmışına qağılışlı... Ul statyalar buyınça Vladimir Vladimiroviç Putin belän oçraşqanda, bergä-ber qarağanda, urtaq fikergä kilgän urınnar bar, qarşılıqsız bulmıy inde ul. Şuña kürä barısın da isäpkä alıp, üzara kileşü waqıtında qaralğan statyalar buyınça üzgäreşlärne mömkin qadär kimräk kertergä kiräk. Bezneñ Konstitutsiä belän sudlaşıp yörüçelär kübäymäsen ide. Şul uq waqıtta bäxäslärsez genä Konstitutsiägä üzgäreşlär kertü mömkin bulır dip äytü mäsäläne ğadiläşterü bulır ide.
Konstitutsiäneñ yaña redaksiäse fevral azağına äzer bulır, dip farazlana. Fevral azağında uq Däwlät Şurasınıñ plenar utırışında ul berençe uqılışta qaralaçaq.
7 fevral könne komissiäneñ ikençe utırışı buldı. Bu utırıştan da nindider şaqqatırğıç yañalıqlar kötmilär. «Время и деньги» gazetasında utırışqa qadär äzerlängän häm 7 fevral sanında çıqqan yazmada komissiä äğzası Marat Galiev süzlärenä tayanıp, Tatarstan Konstitutsiäseneñ yaña redaksiäse küläme buyınça qısqaraq bulaçaq, xäzerge 167 maddä urınına 122 genä maddä qala, dip äytelä. Bu üzgäreş Tatarstannıñ da, Rusiäneñ dä waqälätlären täğäyenläw belän bäylängän, dielä. Çärşämbe kiçendä Qazan hawa alanında Tatarstan Konstitutsiäsendä üzgäreşlär turında Mintimer Şäymiev bolay dide:
Üzgäreşlär bulır, şul uq waqıtta bar bit inde berniçä statya, bigräk tä däwlät suverenitetına qağılışlı, Prezident waqälätlärenä qağılışlı, şartnamäneñ yazmışına qağılışlı... Ul statyalar buyınça Vladimir Vladimiroviç Putin belän oçraşqanda, bergä-ber qarağanda, urtaq fikergä kilgän urınnar bar, qarşılıqsız bulmıy inde ul. Şuña kürä barısın da isäpkä alıp, üzara kileşü waqıtında qaralğan statyalar buyınça üzgäreşlärne mömkin qadär kimräk kertergä kiräk. Bezneñ Konstitutsiä belän sudlaşıp yörüçelär kübäymäsen ide. Şul uq waqıtta bäxäslärsez genä Konstitutsiägä üzgäreşlär kertü mömkin bulır dip äytü mäsäläne ğadiläşterü bulır ide.
Konstitutsiäneñ yaña redaksiäse fevral azağına äzer bulır, dip farazlana. Fevral azağında uq Däwlät Şurasınıñ plenar utırışında ul berençe uqılışta qaralaçaq.