Tatarstan Konstitutsiäneñ yaña redaksiäse äzer…

Düşämbe könne Tatarstannıñ Konstitutsiä komissiäse Konstitutsiäneñ yaña redaksiäsen tikşerüne tögälläde. Räsmi mäğlümat çaralarında komissiä eşe barışı bik saran sürätlände. Az-maz sarqıp çıqqan xäbärlärdän yaña redaksiädäge 122 matdägä komissiä äğzalarınıñ 325 tözätmä täqdim itkäne mäğlüm buldı. Komissiä räise häm äğzaları mäğlümat çaralarına birgän intervyularda cämäğätçelekne Konstitutsiäneñ töp matdäläre üzgärmi, dip tınıçlandırdılar. Läkin monıñ belän genä cämäğätçelek tınıçlandımı soñ?