Qazanda «Berdäm Rusiä» firqäseneñ bülekçäse oyıştırıldı

26 fevral' könne Qazanda «Oteçestvo» häm «Yedinstvo» firqäläreneñ cirle bülekçäläreneñ syezdları bulıp ütte. Anda «Oteçestvo» häm «Yedinstvo» bülekçäläre üzläreneñ eşçänleklären tuqtatu turında belderdelär. Şul uq sişämbe könne, «Yedinaya Rossiä — Berdäm Rusiä» firqäseneñ region bülekçäse oyıştırıldı. Bu cıyılışta 300-läp delegat qatnaştı häm anda yaña oyışmanıñ citäkçese saylandı. Bu Qazan energetik universitetı rektorı, Däwlät Sovetı deputatı Yuri Näcmiev. Şulay uq cıyılışta säyäsi şura äğzaları da bilgelände. Şurağa «Yedinstvo», «Oteçestvo» häm «Vsya Rossiä» xäräkätlärennän 8-şär wäkil kerde.