«Восточный экспресс» - armiäneñ bügenge xäle turında

«Восточный экспресс» gazetası comğa sanında «Rusiäne kemnän saqlarğa?» digän soraw belän törle keşelärgä möräcäğät itte. Respublikanıñ soldat anaları komitetı räise Ğalina Çumaçenkova turıdan bolay dip äytkän: «Berençe çiratta, armiädäge mafioz strukturalardan. Alar zakonnı satıp alalar häm satalar». Ğalina xanım fikerençä, aqça bulsa, armiädän qotılıp bula, aqçasızlarğa xezmät itärgä turı kilä, soldatlarnıñ kübese yä yätimnär, yä tulı bulmağan ğailälärdän, yä awırular. Citmäsä, armiädän qayberäwlär ğariplänep tä qaytalar. Moña östäp äytep bula: ä Çeçnyadağı suğıştan qaysıları tuğan yaqlarına zink tabutlarda qaytarılalar.