Accessibility links

Кайнар хәбәр

“Yaña ğasır” telekompaniäse tapşıruların Sarıtawda qarıy başladılar


“Yaña ğasır” telekompaniäse tapşıruların Sarıtawda qarıy başladılar

Älege konferensiägä kilüçelär Sarıtaw gimnaziäse binasında Tatarstan televideniäse tapşıruların NTV+ tälinkäse aşa qarawnıñ mömkinlegen kürdelär. 400-500 dollarlıq caylanma satıp alsañ, NTV+ aşa 20-läp kanalnı häm “Yaña ğasır” telekompaniäseneñ tapşıruların kürep bula ikän. Telägän keşe bügennän ük Qazannı televizor aşa qarıy ala. Warşawdan Tömängä, Şvetsiädän Anqarağa qadär territoriädä Tatarstannıñ iärçenle televidenie kanalı kürsätep tora. Döres, xäzergä äle texnik tapşırular alıp barıla. Yaqın kiläçäktä tatarça tapşırularnıñ küläme häm sıyfatı artırğa tiyeş.

Yul uñayınnan şunı da äytik, 27 martta, Mäskäwdä federal' konkurs komissiäse “Dulqın” radiosınıñ yışlığın kemgä birü mäsäläsen qarıyaçaq. Yıl yarım elek 105.3 FM yışlığın alğan “Dulqın” tieşle aqçanı tülämägän bulğan. Xäzer inde bu yışlıqqa öç Tatarstan kompaniäse häm ike Mäskäw kompaniäse däğwa itä. “Dulqın” älege yışlıqnı saqlap qala alırmı, saqlamağan xäldä konkursta ciñgän yaña xuca nindi teldä tapşırular alıp barır, bu atnada xäl iteläçäk.

Sarıtawdan Qazanğa qaytqanda Tatarstan qunaqları Sember tatarları tormışı belän dä tanıştı. Şimbä könne Ulyanovskida tatar milli-mädäni moxtariäte konferensiäse buldı. Anda Tatar kongressı citäkçese İndus Tahirov häm ölkä gubernatorı Vladimir Şamanov qatnaştı.
XS
SM
MD
LG