Tatar milläteneñ bügenge xäle häm kiläçäge zıyalılarnı häm milli ruxlı deputatlarnı xäzerge könnärdä bigräk tä borçıy. Yäş buınnıñ tuğan telne belmäwe, bigräktä Tatarstannan çit töbäklärdä assimilätsiäneñ köçäyüe, federal' üzäkneñ latin älifbasın qaytaruğa qarşı toruwı, xalıq sanın alu aldınnan millätne 5-6 kisäkkä bülgäläw wäzğıätne kiskenläşterä. Bu turıda, Rusiä Fännär Akademiäseneñ sotsiologiä institutı direktorı Leokadiä Drobijeva, çärşämbe könne, Qazanda Azatlıq xäbärçesenä añlatmalar birde. Ul, tatar milläteneñ ciñel genä yuqqa çığuwına ışanmıy. Ğalimä xäzerge şartlarlarda tel-millät mäsäläsendä xoquq normaların, Rusiä qanunnarın öyränep, alarnıñ ütäleşen tä'min itü uñay näticägä kiteräçäk, dip uylıy.
Drobijeva xanım Qazanğa 5 Amerika ğalime belän bergä kilgän. Robert Adams citäkçelegendäge Amerika fännär akademiäse delegatsiä küp millätle cämğiättä millätara häm federativ mönäsäbätlär turındağı seminarda qatnaşaçaq. Comğa köngä qadär däwam itäçäk şuşı seminarda nigezdä milli üseş häm fän, tel mäsäläläre qarala.
Drobijeva xanım Qazanğa 5 Amerika ğalime belän bergä kilgän. Robert Adams citäkçelegendäge Amerika fännär akademiäse delegatsiä küp millätle cämğiättä millätara häm federativ mönäsäbätlär turındağı seminarda qatnaşaçaq. Comğa köngä qadär däwam itäçäk şuşı seminarda nigezdä milli üseş häm fän, tel mäsäläläre qarala.