İnde xäbär itkänebezçä, 3 aprildä Tatarstan Däwlät Şurasınıñ 11. plenar sessiäse eşen däwam itte häm “Konstitutsiägä üzgäreşlär häm östämälär turında” qanun proektın ikençe uqılışta qabul itte. Utırış barışında sensatsiälär kötelmi ide. Konstitutsiäçel qorılış nigezlärneñ berençe maddäseneñ yazmışı xäl itelgän ide. Mäğlüm ki, annan “däwlät suverenitetı”, “xalıqara xoquq subyektı” kebek bilgelämälär töşep qalğan ide. Çärşämbe könge utırış räte-çiratı belän barğanda, premier-ministrnı, ministrlarnı, şähär, rayon administratsiä başlıqların kem bilgelärgä dä, kem raslarğa tieş, digän waq-töyäk tartqalaşlardan başqa älläni yuq ide sıman.
Kinät kenä deputat Marat Ğalievneñ 122. tözätmäse yañğırağaç, moña başta xätta deputatlarnıñ reaksiäse dä bulmadı. Marat Ğaliev Konstitutsiäneñ berençe maddäse barı tik respublika referendumı näticäsendä üzgärtelergä mömkin digän tözätmä täqdim itte. Tözätmä berençe tawışqa quyudan xätta ütmäde. Marat Ğalievne deputat İndus Tahirov häm räislek itüçe Färit Möxämmätşin xuplağaç qına, deputatlar añğa kilep, tözätmäne xupladılar. Şulay itep, räsmi xäbärlärdä äytelgänçä, Tatarstan deputatları federal' yaqnı ikeseneñ bersen saylaw aldına quydı: yä ikençe uqılış näticäsendä saqlanıp qalğan töp qanunnıñ yaña redaksiäse häm federal' qanunnar arasındağı qarşılıqlarğa küz yomarğa, yä bulmasa, bu subyektınıñ suverenlığına protest belderep, Tatarstanda referendum oyıştıru öçen cawaplılıqnı üz östenä alırğa.
Ğayre räsmi çığanaqlardan belengänçä, İdelbue federal' okrug citäkçelege Rusiä prokuraturasına Tatarstan Konstitutsiäseneñ yaña redaksiäsenä ekspertiza ütkärüne sorağan. Prokuratura yaña redaksiädäge maddälärneñ yartısı diärlek federal' qanunnarğa qarşılıqlı digän näticä yasağan. Şulay bulğaç, yaña redaksiäne dä mäxqämälär, protestlar kötä, bulıp çığa. Ğayre räsmi çığanaqlar “Tatarstan Konstitutsiäsenä üzgäreşlär häm östämälär kertü turında” qanun proektın ikençe uqılışta qabul itü aldınnan yañğırağan häm qabul itelgän Marat Galiev tözätmäse çınnan da menä şul federal' üzäkne ikeseneñ bersen saylaw aldına quyu, dip sanıy. Älegä saylar öçen waqıt bar. Däwlät Şurasınıñ plenar sessiäse eşen 19 aprildä däwam itäçäk.
Kinät kenä deputat Marat Ğalievneñ 122. tözätmäse yañğırağaç, moña başta xätta deputatlarnıñ reaksiäse dä bulmadı. Marat Ğaliev Konstitutsiäneñ berençe maddäse barı tik respublika referendumı näticäsendä üzgärtelergä mömkin digän tözätmä täqdim itte. Tözätmä berençe tawışqa quyudan xätta ütmäde. Marat Ğalievne deputat İndus Tahirov häm räislek itüçe Färit Möxämmätşin xuplağaç qına, deputatlar añğa kilep, tözätmäne xupladılar. Şulay itep, räsmi xäbärlärdä äytelgänçä, Tatarstan deputatları federal' yaqnı ikeseneñ bersen saylaw aldına quydı: yä ikençe uqılış näticäsendä saqlanıp qalğan töp qanunnıñ yaña redaksiäse häm federal' qanunnar arasındağı qarşılıqlarğa küz yomarğa, yä bulmasa, bu subyektınıñ suverenlığına protest belderep, Tatarstanda referendum oyıştıru öçen cawaplılıqnı üz östenä alırğa.
Ğayre räsmi çığanaqlardan belengänçä, İdelbue federal' okrug citäkçelege Rusiä prokuraturasına Tatarstan Konstitutsiäseneñ yaña redaksiäsenä ekspertiza ütkärüne sorağan. Prokuratura yaña redaksiädäge maddälärneñ yartısı diärlek federal' qanunnarğa qarşılıqlı digän näticä yasağan. Şulay bulğaç, yaña redaksiäne dä mäxqämälär, protestlar kötä, bulıp çığa. Ğayre räsmi çığanaqlar “Tatarstan Konstitutsiäsenä üzgäreşlär häm östämälär kertü turında” qanun proektın ikençe uqılışta qabul itü aldınnan yañğırağan häm qabul itelgän Marat Galiev tözätmäse çınnan da menä şul federal' üzäkne ikeseneñ bersen saylaw aldına quyu, dip sanıy. Älegä saylar öçen waqıt bar. Däwlät Şurasınıñ plenar sessiäse eşen 19 aprildä däwam itäçäk.