Accessibility links

Кайнар хәбәр

“Aq Bars” – ikençe urında


Soñğı atna-un kön «Aq Bars» xokkey komandası tamaşaçılarnı zur kierenkelektä tota. Omsk şähärendäge «Avangard» komandasın awırlıq belän cinep, «Aq Bars» Rusiä çempionatınıñ finalına çıqtı. Läkin Yaroslavldä beznekelär «Lokomotiv»qa ike uyınnı da ottırıp qayttılar. Comga könne Qazan boz sarayında öçençe oçraşu buldı. Ägär «Aq Bars» ottırsa, «Lokomotiv» çempion bula, ä otsa, köräş däwam itäçäk ide.

Respublika citäkçelege, bigräk tä Tatarstan parlamentı räise Färit Möxämmätşinnıñ käyefe kütärenke. Klubnıñ prezidentı bularaq, ul sezon başında medal' yaulawnı maqsat itep quyğan ide. Appetit aşaw waqıtında kilä digändäy, kömeş medallär kesädä bulğaç, «Aq Bars» tarafdarları «altın daway» dip dawlıy başladılar.

Qısqası, bügenge uyın tiräsendä ajiotaj, ığı-zığı ifrat zur ide. Boz sarayı citäkçeläre bilet däğwalap yörüçelђrdän qaysı tişekkä kerep qaçırğa belmädelär. Äläge oçraşu Tatarstan telekanalı aşa turıdan-turı kürsätelde. Uyın bik kierenke bardı häm «Lokomotiv» faydasına 2:1 xisabına tämamlandı. Şulay itep «Lokomotiv» - çempion, «Aq Bars»– ikençe urında.

“Azatlıq” radiosı öçen Qazannan Damir Ğismetdin
XS
SM
MD
LG