10-12 aprildä Finländiä başqalasında Qazan könnäre ütäçäk

Soñğı waqıtta Qazan şähäre başlığı Kamil İsxakov şähärneñ 1000 yıllığına äzerlek häm başqa çaralarda yışraq küzgä taşlana başladı. Ul Sankt-Peterburgnıñ 300 yıllığına äzerlekkä bağışlanğan utırışta qatnaştı. Qazan häm Peterburg şuşı yubiley eşlärendä ber-bersenä yärdäm itep, tağın da kiñräk xezmättäşlek itäçäk. Ä 10 aprildä Kamil İsxakov citäkçelegendäge delegatsiä Finländiägä oça. Helsinkida Qazan könnäre Rusiä fän häm mädäniät üzägendä 12 aprilgä qädär däwam itäçäk. Anda eşlekle dairälär söyläşüe ütäçäk, “Qazan” milli-mädäni üzäge häm däwlät muzee kolleksiäläre kürsäteläçäk.