Accessibility links

Кайнар хәбәр

Tatarstan mäğärif ministrlığı Rusiä töbäklärendäge tatarlarğa yardäm itä


Tatarstan mäğärif ministrlığı Rusiä töbäklärendäge tatarlarğa yardäm itä

Çärşämbe, 17 aprel' könne, Mäğärif ministrlığı wäkilläre Çuaşstan respublikasına kitte. Delegatsiäne Tatarstan mäğärif ministrı Färis Xarisov citäkli. Tatarstanlılar Çuaşstanda ütäçäk tatar mäğrifäte könnärendä qatnaşaçaq. Şunısın äytergä kiräk, bu ber märtäbä genä ütkärelä torğan çara tügel. Respublikanıñ mäğärif ministrlığı şuşındıy könnärne tağın berniçä distä Rusiä töbägendä utkärergä ciına ikän. Şuşı xaqta tulıraq mäğlümät alu öçen bez Tatarstan mäğärif ministrlığınıñ milli mäğärif bülege citäkçese Radik Zaripovqa möräcäğät ittek. Xäzer Radik äfändene üzen tıñlağız. Tatarlar Rusiä töbäklärendä bik küp yäşi häm alarnıñ problemaları bik küp. Respublikanıñ Mäğärif ministrlığı Tatarstannan çittä yäşäwçe tatarlar belän oçraşıp, problemaları turında soraşıp, alarğa yardäm itü çaraların kürergä buldı. Şuşı uñaydan bezneñ ministrlıqnıñ delegatsiäse inde berniçä töbäktä bulıp ta qayttı. Menä bügen, mäsälän, ber törkem belgeçlär Çuaşstanğa kittelär. Uqu yılı tämamlanğançı bez tağın berniçä töbäkkä barırğa ciınabız.
XS
SM
MD
LG