Boris Nemsov Qazanda buldı

Yalğa çığar aldınnan prezident Konstitutsiägä üzgäreşlär kertü turındağı qanunğa imza quydı. 100 protsentqa bulmasa da, Rusiä qanunnarına täñgäl kilgän Tatarstan konstitutsiäsendä xilaflıqlar barmı soñ? “Suverenlıq”, “däwlät” digän süzlär, tatar xalqınıñ üzbilgelänüe, çit töbäklärdäge tatarlarğa yärdäm itü turındağı matdälär qayberäwlärgä oşamas. Bälki tiz arada inde şuşı konstitutsiägä dä prokuror protestı kertelep, anı yañadan botarlıy başlawları mömkin. Däwlät Duması deputatı, “Uñ köçlär” partiäse liderı Boris Nemsovnı Mintimer Şäymiev comğa könne qabul itep, anıñ belän federalizm turında söyläşte. Nemsov ta Rusiädä vertikal' büränäse belän federalizmnı imgätügä qarşı ikän. Ul Qazanğa SPS firqäseneñ cirle bülegen köçäytergä dip kilgän. Mintimer Şäymiev eşquarlarnı yaqlawçı bu patiägä yärdäm wäğdä itkän. Xäzer Tatarstanda federalizm, millät xoquqları häm keçe, urta käsäbäçelek töşençäläre yış qabatlana. Rusiädä meskenlektä qalğan säyäsi orientirlar Tatarstanda berençe urınğa çığa ikän, bu hiç tä gäcäp tuğel. Çönki demokratiä iñ berençe çiratta Tatarstan kebek respublikalarğa häm xalıqlarğa kiräk.