Şähärneñ üzäk yal parkı yanındağı mäydanğa hönäri berleklärdän soñ sul qaraşlı säyäsi firkälär alğa çıqtı. Säğät 11 tulu belän, mäydanda kommunistlar firqäseneñ qızıl bayraqları celferdi başladı. Şuşında Jirinovskiy firkäseneñ tarafdaların da, anarxistlarnı da, atom töşkä qarşı oyışma äğzälären dä, Tatar ictimağiy üzäk wäkillären dä oçratıp buldı. Kommunistlar firkase ütkärğän çaranı Robert Sadıqov açıp cibärde. Kommunistlar orkestrı Rusiä gimnın başqarğannan soñ, mikrofon aldına Duma Deputatı, firqäneñ Tatarstan bülege citäkçese Aseksandr Saliy çıqtı. Ul üzeneñ çığışında , başta aña qädär notıq totqan hönäri berleklär citäkçelären xurladı, annan soñ, awılğa, şähärdäge baqçalarına kitkän häm älege säyäsi çarağa kilmägän keşelärgä üpkälämäwen äytte. Miting barışında partiäneñ Qazan bülege äğzäse Äxmadullin Mansur äfände belän äñgämä qordım.
B.T. Kommunistlar firqäse, xäzerge köndä, köçäyä baramı, ällä sülpänlekkä töşäme? Sez niçek uylısız?
Ä.M. Xalıq naçar yaşäğän waqıtta bu firqä bulaçaq häm haman da üsäçäk.
B.T. Sez tatar xalqınıñ milli mäsälälären xäl itü öçen närsä täqdim itä alasız?
Ä.M. Bez millätçelär tüğel, bezneñ öçen bar xalıqlar da ber tigez. Milli mäsälä bezneñ öçen berençe urında tormıy. Bezğä berdäm, bülenmäs Rusiä kiräk. Tatarstan, Başqortostan, Uzbäkstan – andıy büleneş yuq bezneñ öçen.
Qazan kommunistları oyışması wäkile belän söyläşkännän soñ, hönäri berleklär federatsiäse häm sul qaraştağı firqälär ütkärgän ike çaranı da küzätep torğan Faya apağa möräcäğät ittem. Ul üze bernindi firqäğa kermägän, xezmät iäläreneñ xoquqların yaqlawçı da tügel, Qazanda yäşäwçe ğadi pensioner:
Min monda bolay ğına kildem, xalıq belän aralaşırğa. Minem pensiäm zur tüğel – 1 meñ dä 40 sum, şuña da qänäğәt bulıp yäşim. Suğış qına bulmasın. Dönyalar tınıç, imin bulsın.
Tärtip saqlawçılar mäğlümätlarına qaranda älege uram cıyınında 1,5 meñnän başlap 2 meñgä qädär keşe qatnaşqan. Tatarstannıñ başqalasında häm başqa şähärlärendä ütkän şundıy uq çaralar da, Mäskäwdäge kebek 140 meñ keşe cıya almağan.
B.T. Kommunistlar firqäse, xäzerge köndä, köçäyä baramı, ällä sülpänlekkä töşäme? Sez niçek uylısız?
Ä.M. Xalıq naçar yaşäğän waqıtta bu firqä bulaçaq häm haman da üsäçäk.
B.T. Sez tatar xalqınıñ milli mäsälälären xäl itü öçen närsä täqdim itä alasız?
Ä.M. Bez millätçelär tüğel, bezneñ öçen bar xalıqlar da ber tigez. Milli mäsälä bezneñ öçen berençe urında tormıy. Bezğä berdäm, bülenmäs Rusiä kiräk. Tatarstan, Başqortostan, Uzbäkstan – andıy büleneş yuq bezneñ öçen.
Qazan kommunistları oyışması wäkile belän söyläşkännän soñ, hönäri berleklär federatsiäse häm sul qaraştağı firqälär ütkärgän ike çaranı da küzätep torğan Faya apağa möräcäğät ittem. Ul üze bernindi firqäğa kermägän, xezmät iäläreneñ xoquqların yaqlawçı da tügel, Qazanda yäşäwçe ğadi pensioner:
Min monda bolay ğına kildem, xalıq belän aralaşırğa. Minem pensiäm zur tüğel – 1 meñ dä 40 sum, şuña da qänäğәt bulıp yäşim. Suğış qına bulmasın. Dönyalar tınıç, imin bulsın.
Tärtip saqlawçılar mäğlümätlarına qaranda älege uram cıyınında 1,5 meñnän başlap 2 meñgä qädär keşe qatnaşqan. Tatarstannıñ başqalasında häm başqa şähärlärendä ütkän şundıy uq çaralar da, Mäskäwdäge kebek 140 meñ keşe cıya almağan.