Accessibility links

Кайнар хәбәр

İşelgän tulay toraq binası watıqları astında 3 keşe qalğan


İşelgän tulay toraq binası watıqları astında 3 keşe qalğan

Çärşämbe könne, säğät berlärdän soñ, Qazannıñ Yerşov uramında urnaşqan biş qatlı tulay toraq binasınıñ ber öleşe işelep töşte. Bu waqıtta binada 3 keşe bulğan: 37 yäşlek xatın-qız, 15 yäşlek yäşüsmer qız häm 7 yäşlek bala. Alar bina watıqları astında qalğannar. Ğädättäntış xällär qotqaruçıları balanı qotqarğannar, läkin anı watıqlar astınnan çığarğan waqıtta ber qotqaruçı da imgängän. Qalğannarnıñ yazmışı älegä bilgele tügel. Qotqaru eşläre däwam itä. Xäzerge waqıtta toraqsız qalğan keşelärneñ yazmışı xäl itelä. Yerşov uramı urnaşqan Vaxitov rayonı administratsiäse üzeneñ rezerv fondınnan yortsız qalğan keşelärgä fatir bülep birü türında äytte. Ğädättäntış xällär ministrı Valeri Vlasov süzlärenä qarağanda, bu faciğäneñ säbäplären açıqlau öçen tikşerüçelär inde eşkä kereşkän. Tikşerülär näticäsendä cinäyät eşe dä açılırğa mömkin ikän. Säbäplärgä kilgändä, terakt ğämälläre turındağı faraz qatği räweştä kire qağıldı. Faciğäneñ iñ mömkin säbäpläre arasında -- binanıñ iskelege. Tulay toraq 1956 yılda uq salınğan bulğan. Şul uq binada urnaşqan kitapxänä, klinika, daruxänägä häm andağı keşelärgä zarar kilmägän, dip xäbär itelä.
XS
SM
MD
LG