Mädäni waqiğalärdän iñ möhime 20 mayda başlanıp kitäse Türksoy törki xalıqlar teatr festivale. Festival' ikençe tapqır Qazanda ütkärelä. Anda distädän artıq teatrlar qatnaşuı kötelä. Anda Äzärbäycän däwlät yäş tamaşaçılar teatrı, qırğız däwlät yäşlär teatrı “Uçur”, Yakutiä däwlät yumor häm satira teatrı, Mixail Çaqir isemendäge gagauz teatrı, Törkiäneñ Antalya däwlät teatrı, Semfiropoldän qırım tatar muzıkal' teatrı, Başqortostan häm Tatarstan teatrları qatnaşalar. Juri räise itep Räfkät İsrafilov bilgelände. Mäğlüm ki, küptän tügel 60 yäşen bilgeläp ütkän Räfkät İsrafilov Irınbur rus drama teatrında uñışlı ğına eşli, soñğı waqıtta aña bik qızıqlı täqdimnär -- Mäskäw häm Qazanğa çaqırular bulğan ikän. Ğäyre räsmi çığanaqlardan belengänçä, Räfkät İsrafilov Qazanğa Ğaliäskär Kamal tatar däwlät akademiä teatrına baş rejisser itep çaqırudan baş tartqan. Şuşı könnärdä Kamal teatrı kollektivına baş rejisser itep Färit Bikçäntaev täqdim itelde.
Yunıs Ätnäle
Yunıs Ätnäle