İñ yaxşı citäkçelär bäygese

Şimbä könne mäktäplärdä “Soñğı qıñğıraw” bäyrämnäre genä tügel, ä respublikanıñ iñ buldıqlı citäkçelären bilgeläp, alarnı zurlaw tantanası ütkärelde. “Kazanorgsintez”, ”ICL”, “Pozis”, “Elektropribor”, “İdel-press”, kümäç-konditer kombinatı direktorları, şulay uq “Tatneft'”, “Nijnekamskneftexim“, “Tatenergo”, Milli bank häm başqa zur şirkätlärneñ citäkçeläre diplomnar aldılar. Büläklänüçelär arasında azıq-tölek citeşterü tarmağında lider bularaq şul uq “Qızıl Şäreq” direktorı Ayrat Xäyrullin da tanıldı.