Accessibility links

җомга, 26 май 2017, Казан вакыты 08:43

Tälğät Bariev östennän mäxqämä däwam itä


Tälğät Bariev östennän mäxqämä däwam itä

Düşämbe könne jurnalist Tälğät Bariev östennän mäxqämä eşe däwam itte. Ul “Vostoçnıy ekspress” gazetasında ber felyeton bastırğan ide. Anıñ yazmasında satira alımnarı qullanılğan bulğan. Jurnalist Lev Ovrutskiy Tälğät Barievnı cawapqa tarttırırğa täläp itep, prokuraturağa möräcäğät itkän. Cinayät eşe quzğatılğan. Tälğät Bariev mäğlümät çaraları yärdämendä şäxesne mısqıl itüdä ğäyeplänä. Anıñ ğäyebe raslansa, 100 minimal' eş xaqı külämendä ştraf salınırğa mömkin. Döres, mäqälädä ayırım şäxes iseme-familiäse buyınça atalmıy, şulay da xurlanğan keşe xoquq yağınnan gramotnıy bulsa, mäxqämä yullarında aylar buyı çaptıra ala. Şuña kürä, bu säyer eşneñ eçtälege häm qaharmannarı turında söyläp tormıym. Çönki berärse radio yärdämendä mısqıl itüdä ğäyepläp, mirovoy sud'yağa alıp barırğa mömkin. Tälğät Bariev eşen dä xäzergä rayon mäxqämäse tügel, ä mirovoy sud'ya qarıy. Düşämbe könne Tälğät Barievnı yaqlap Landış isemle şuşı mirovoy sud'ya wazıyfasına quyılğan tutaş utırğan binağa cämäğätçelek wäkilläre, jurnalistlar cıyılıp bardı. Anı ike ğäyepläüçe ğäyepli ikän. Landış tutaş yäki xanım nindi tarafnıñ argumentlarına qolaq salır. Xäzergä Tälğät Bariev eşeneñ tämamlanuı turında xäbär yuq.

Azatlıq radiosı öçen Qazannan Rimzil Wäli
XS
SM
MD
LG