Accessibility links

Ömet – mäxkämägä


Ömet – mäxkämägä

Soñğı waqıtta älifbabıznı latin nigezendä yazu mäs’äläse milli zıalılarıbıznı nığraq borçıy başladı kebek. Küräseñ, küptän tügel Duma tarafınnan latinğa qarşı qabul itelgän qanun proyektı alarnı uyatıp, siskänderep cibärde. Säyäsätçelär dä, ğalimnär dä törle çaralarda qatnaşıp, ber fikergä kilä. Rusiä parlamentına qarşı qanunı räweştä köräşergä. Comğa könne dönya kürgän “Watanım Tatarstan” ğazetısında tarix fännäre doktorı Damir İsxaqov bu mäs’äläne konkretlaştırıp bolay dip yaza: “Bezgä Rusiä Federatsiäseneñ Konstitutsion mäxkämäsenä möräcäğät itärgä kiräk bulaçaq.” Ğalim fikerençä, moñı ayırım grajdannar da, ictimaği oyışmalar da, Tatarstannıñ parlamentı da eşli ala. İnde mäs’älä uñay xäl itelmäsä, xalıqara mäxkämälärgä möräcäğät itärgä turı kiläçäk. Çönki mondıy xäl turıdan-turı xalıqlarnıñ xoquqın bozu bulıp tora. Älbättä, bu maqsatqa ireşüneñ qısqa häm ciñel yulı bulmas. Läkin hiçşiksez üzarada sügenep, qul quşırıp utırudan küpkä faydalıraq bulır.
XS
SM
MD
LG