Accessibility links

Кайнар хәбәр

Färit Möxämmätşin Ufada bulıp qayttı


Färit Möxämmätşin Ufada bulıp qayttı

Germaniä kügendä faciğäğä oçrağan oçqıçta häläk bulğan balalarnı kümüdä qatnaşu, kürşe respublikanıñ qayğısın urtaqlaşu öçen Däwlät Sovetı räise Färit Möxämmätşin Ufa şähärenä barıp qayttı. Ul Ufada bulğan waqıtta, Başqortostan Däwlät Ciılışı räise Konstantin Tolkaçev belän ike respublika parlamentlarınıñ xezmättäşlege turında da söyläşülär alıp barğan. Bergä xäräkät itkändä, respublika xoquqların yaklaw uñaylıraq bulaçaq. Awır mizgellärdä, yuldağı kirtälärne ciñep çığu öçen kürşelärneñ ber fiker, ber ğämäl belän yäşäwe urınlı, älbättä. Räsmi räweştä belderülär yasalmasa da, Başqortostan tatarları qorıltayın ütkärü tärtiben, anıñ waqıtın bilgeläw turında da söyläşülär bulırğa tieş ide. Xäzergä Färit Möxämmätşin bu turıda mäğlümät taratmasa da, avgust ayında bulaçaq öçençe Bötendönya tatar kongressına Başqortostannan delegatlar saylawnıñ, respublikadağı tatarlarnıñ qazanışların häm problemaların tikşerüneñ barıber kiçekterelä almawı kön kebek açıq.
XS
SM
MD
LG