Accessibility links

Кайнар хәбәр

Yal könnärendä Qazan susız qalaçaq


Yal könnärendä Qazan susız qalaçaq

Soñğı könnärdä qazanlılar öçen iñ qäderle närsä – su. Yuq, kibetlärdä satıla torğan tügel, ä krannardan ağa torğanı. Eş şunda ki, Qazan şähär xakimiäte qararı belän başqalabızda comğa kiçtän başlap ike köngä su yabıla. Şähärneñ berdän-ber vodozaborı (sualğıçı) inde 30 yıl remontlanmagan häm anı tuqtatmıyça remont eşlären başqarıp bulmıy. Mäğlümat çaraları bu xaqta bik küp yazalar häm söylilär. Çay östenä tuqmaq digändäy, essedän intekkän şähär xalqı östenä tağın ber cafa töşte. Küplär eş betügä şähärdän daçalarına, yılğa-kül buylarına kitärgä cıyınalar. Qayberäwlär sunı zapasqa äzerlilär. Şähär buyınça maxsus maşinalar su taşıyaçaq, dilär. Buşap qalğan fatirlar öy qaraqların cälep itärgä mömkin. Yakşämbe kiç şähär xakimiäte yortlarğa su birergä wäğdä itä. Älserägän qazanlılar xet bu yulı vlaç bezne töp başına utırtmasa yarar ide dip ömetlänälär.
XS
SM
MD
LG