Räsmi xäbärlärne däwam itep, tağın ber oçraşu turında tulıraq mäğlümät birep kitäse kilä. İnde xäbär itkänebezçä, sişämbe könne Tatarstan prezidentı Mintimer Şäymiev tatar milli oyışmaları liderları belän oçraştı. Anda Bötendönya tatar kongressı Başqarma komitetı citäkçese İndus Tahirov, Bötentatar ictimaği üzäge räise Räşit Yağfarov, «İntegratsiä İdel-Ural» Tatarstan töbäk ictimaği-säyäsi xäräkäte prezidiumı räise Ğayal Mortazin, Tatarstanda keşe xoquqların, xalıqnı häm möstäqıllekne yaqlau buyınça Xalıq frontı idäräse räise Färit Xäbibullin qatnaştılar. Kiçä bu oçraşu turında Räşit Yağfarov söylägän ide. Bügen sezgä oçraşuda qatnaşqan tağın ber keşe İndus Tahirovnıñ fikerlären täqdim itäbez. Oçraşunıñ maqsatların häm näticälären ul menä niçek bäyäli:
Bu ğädäti, eşlekle oçraşu buldı. Anıñ töp maqsatı — 3 Bötendönya tatar kongressın oyıştırunı tikşerü. Kongressnı äzerläüdä ictimaği oyışmalar da qatnaşırğa tieş, digän fiker yañğıradı. Äye, bu döres fiker. Bez bergä eş itärgä tieş. Häm bu eş bara da. Mäsälän, Räşid Yağfarov Bötendönya tatar kongressı Başqarma komitetı äğzası. Ul bezneñ eşçänlektä qatnaşa, bez bergäläşep törle çaralar ütkäräbez. Şulay uq oçraşuda qatnaşqan milli oyışma wäkilläre dä çığış yasadılar. Prezident tarafınnan, sezneñ 3 ictimaği oyışmağız nik bergläşep eş itmi, digän sorau yañğıradı. Bu fiker belän min dä kileşäm. Alar berläşep häm ber oyışmanıñ törle tarmaqları bularaq eş itärgä tieş.
Milli tormışqa qağılışlı tağın ber xäbär. Respublikada soñğı waqıtta Başqortostan tatarları qorıltayına Tatarstannan kemnär bara soñ, digän sorau yörde. Berniçä familiädän torğan isemlek äledän-äle üzgärep tordı. Nixayät, bu xaqta tögäl mäğlümätlär dönya kürde. Başqortostanğa Qazannan Däwlät Şurası räise urınbasarı, III Bötendönya tatar kongressın oyıştıru komiteti räise urınbasarı Robert Miñnullin, Bötendönya tatar kongressı Başqarma komitetı räise urınbasarı Rimzil Wäliev, ber törkem jurnalistlar häm Tatarstan, Başqortostan arasında fänni, mädäni bäyläneşlär belän şöğıllänüçe belgeçlär bara. Alar 2 avgust, comğa könne yulğa çığalar.
Bu ğädäti, eşlekle oçraşu buldı. Anıñ töp maqsatı — 3 Bötendönya tatar kongressın oyıştırunı tikşerü. Kongressnı äzerläüdä ictimaği oyışmalar da qatnaşırğa tieş, digän fiker yañğıradı. Äye, bu döres fiker. Bez bergä eş itärgä tieş. Häm bu eş bara da. Mäsälän, Räşid Yağfarov Bötendönya tatar kongressı Başqarma komitetı äğzası. Ul bezneñ eşçänlektä qatnaşa, bez bergäläşep törle çaralar ütkäräbez. Şulay uq oçraşuda qatnaşqan milli oyışma wäkilläre dä çığış yasadılar. Prezident tarafınnan, sezneñ 3 ictimaği oyışmağız nik bergläşep eş itmi, digän sorau yañğıradı. Bu fiker belän min dä kileşäm. Alar berläşep häm ber oyışmanıñ törle tarmaqları bularaq eş itärgä tieş.
Milli tormışqa qağılışlı tağın ber xäbär. Respublikada soñğı waqıtta Başqortostan tatarları qorıltayına Tatarstannan kemnär bara soñ, digän sorau yörde. Berniçä familiädän torğan isemlek äledän-äle üzgärep tordı. Nixayät, bu xaqta tögäl mäğlümätlär dönya kürde. Başqortostanğa Qazannan Däwlät Şurası räise urınbasarı, III Bötendönya tatar kongressın oyıştıru komiteti räise urınbasarı Robert Miñnullin, Bötendönya tatar kongressı Başqarma komitetı räise urınbasarı Rimzil Wäliev, ber törkem jurnalistlar häm Tatarstan, Başqortostan arasında fänni, mädäni bäyläneşlär belän şöğıllänüçe belgeçlär bara. Alar 2 avgust, comğa könne yulğa çığalar.