Sişämbedä Sankt-Peterburgta Böek İdel yulına bağışlanğan utırışlar başlana

Ber törkem ğalimnär, säyäsätçelär böek İdel yulı buylap Skandinaviägä kittelär. Qazannıñ meñyellığına bağışlanğan bu çara borınğı Böek İdel yulınıñ tarixın añlata, xäzerge şartlarda yılğa flotın tergezü çaraların öyrätä. Bu ekspeditsiädä qatnaşuçılar Sankt-Peterburgta köymägä utırıp, Stokholmğa barıp citärgä tieşlär. Sişämbe könne şuşı tarixi, fänni yözüneñ berençe konferensiäse Peterburg şähärendä açıla. Añlaşıladır, anda Böek İdel buylap säwdä-säyäxät itü, Qazan, Tatarstan tarixı mäsäläläre tikşerelä.