Tatarstanda yaña uqu yılı başlandı

2 sentäber -- közneñ berençe düşämbese. Bu könne Tatarstanda da uqu yılı başlandı. Respublikanıñ törle rayonnarında tözelgän yaña mäktäplär açılışına Qazannan räsmi wäkillär bardı. Küz salıyq äle. Belem birü, urta mäktäplär häm başqa uqu yortları ni xäldä? Tatarstanda 2511 ğomümi belem birü mäktäbe bar. Proftexuçilişçelar -- 109, balalar baqçaları -- 2039, 4 pedkolledj bar. Barlığı uquçılar sanı 750 meñ, uqıtuçılar -- 85 meñ. Soñğı 5 yılda 116 yaña mäktäp tözelgän. Bolay qarap toruğa, balalar kimegän häm iqtisadı üzgäreşlär çorı öçen wäzğıät naçar tügel. Başqa töbäklärdä mäktäplär çaq-çaq qına can asrıy, bala-çağalar küz aldında kimi, dilär. 2 sentäbrdä Aqtanış rayonınıñ Yaxşi awılında 158 uquçılıq ör-yaña mäktäp açıldı. Şul uq rayonnıñ Baltaç awılında keçkenä balalarnı uqıta torğan baqça-mäktäp açıldı. Anısına inde xökümätneñ zurıraq citäkçeläre dä bardı.