Accessibility links

Кайнар хәбәр

Alabuğada Marina Svetaevanıñ tuğan könen bilgeläp üttelär


Alabuğada Marina Svetaevanıñ tuğan könen bilgeläp üttelär

Belem könen Tatarstanda yaratalar. Neftçelärne dä yaratmıylar dimäs idem. 1 sentäberdä neft häm gaz sänäğäte xezmätkärläre köne bilgelände. Premyer-ministr Röstäm Miñnexanov şuşı tarmaq eşçelären bäyräm belän qotladı. Şulay da älege bäyräm barı tik şuşı tarmaq xezmätkärläre arasında ğına bilgelände. Çönki xalıqnıñ böten iğtibarı başqa tarmaqlarğa yünälgän ide. 31 avgustta Alabuğada Marina Svetaevanıñ tormışı häm icatına bağışlanğan çaralar buldı. Ataqlı rus şağiräsenä memorial muzey açıldı. Bu waqığağa Mäskäwdän, Peterburdan häm başqa töbäklärdän ädäbiät söyüçelär, ğalimnär kilgän ide.

Tağın ber möhim waqiğa buldı. Norlat rayonı här gektardan urtaça 62 sentner ikmäk cıyıp, respublikanı ğına tügel böten Räsäyne şaqqatırdı. Bu rayonnıñ citäkçese Fatix Sibğätullin Tatar kongressı eşlägän köndä Qazanğa Norlatta peşerelgän ikmäklär alıp kilep, qunaqlarğa, zur citäkçelärgä tapşırdı. Kürşe tirä-yaq respubliklardan şaltıratıp sorıylar, 62 sentner digän san xaq mäğlümätme ikän, dilär. Ällä böten rayon 62 tonna ikmäk cıyğanmı? Yuq şul, ber gektardan alınğan uñış 62 sanı belän isäplänä.
XS
SM
MD
LG