Accessibility links

Кайнар хәбәр

Zur uñış -- zur problema


Zur uñış -- zur problema

Respublika urıp-cıyu eşlären tämamladı. Ambarlarğa salınğan ikmäkneñ küläme bıyıl da şaqqatırğıç, 5 million 600 meñ tonna. Awıl eşçännäre fidaqär xezmät quyıp, respublika citäkçelären söenderdelär. Elegeräk bu xaqta baraban suğıp, awız tutırıp söylärlär ide. Tik xäzer zur aşlıq -- zur problemağa äwerelde. Äle uzğan yıl uñışın satıp betermägän kileş ambarlarğa yañası qayttı. Aşlıqnı saqlaw -- üze zur çığım. Tögälräge, 1 tonnası 2 sumğa töşä. Arifmetikanı bik say belä torğan keşe dä masraflarnı çamalıydır, alar meñläp tügel, millionlap isäplänä. Elevatorda yaña aşlıqnı salırğa urın citmi.

Paradoks xällär. İgen küp bulğaç kibetlärdä ipi bähäse töşärgä tieş ide. Läkin alar stabil' yuğarı tora. Citmäsä, awıl eşçännäre eşlägän öçen xezmät xaqı alalmıylar. İgençe terlekçelekkä yünälter ideñ -- ul tarmaq ta zıyanğa eşli. Qısqası, zur uñışnı tizräk wä yaxşıraq bäyägä satırğa qala. Läkin monda da problema -- bodaynıñ şaqtıy öleşe sıyfatı, yäğni klassı yağınnın tübän säbäple naçar satıla. Äle tağın kümäk xucalıqlar xökümätkä yazın alğan kreditların tülärgä tieşlär.

Şulay itep, tırışıp eşlägän, maqtawğa layıq awıl keşeläre qapqanğa eläktelär. Küräseñ, bu tarmaqta xökem itkän «daway-daway» sistemasın tamırdan üzgärtergä, alğa qarap eş itärgä waqıt citkänder.
XS
SM
MD
LG