Tatarstan Däwlät Şurasınıñ prezidium utırışında 13-nçe plenar sessiäneñ däwamı 2 üktäbrgä bilgelände

Pänceşämbe könne çıqqan räsmi xäbärlärdä Tatarstan Däwlät Şurasınıñ 13-nçe plenar sessiäse 2 üktäbrdä däwam iteläçäge äytelä. Monıñ turında çärşämbe könne Däwlät Şurası prezidium utırışında qarar itelde. Anda, şulay uq, plenar utırışınıñ kön tärtibe raslandı. Anda 3 distädän artıq mäs'älä häm alarnıñ kübese älege dä bayağı qanunnarnı yaraqlaştıru. Tıñlawçılarıbız öçen şunısı qızıqlı bulır, prezidium utırışında Däwlät Şurasınıñ yıl azağına qädär 3 aylıq eş planı raslandı häm anda üktäbr ayında “Tatarstannıñ mäğlümat säyäsäte konsepsiäse häm informatizatsiäläşü problemaları“ digän parlament tıñlawları qaralğan. Şulay uq, 1992 yılnıñ 6 noyäbrendä qabul itelgän Tatarstan Konstitutsiäseneñ 10 yıllığın zurlap bilgeläp ütü çaraları da bar.