Accessibility links

Кайнар хәбәр

Xalıqara PEN klub tatarnıñ latinğa qaytuın totqarlamasqa çaqıra


Xalıqara PEN klub tatarnıñ latinğa qaytuın totqarlamasqa çaqıra

Küptän tügel genä, Makedoniädä uzgan Bötendönya yazuçılarınıñ, yagni Xalıqara PEN klubnıñ 69-nçı kongressı Tatarstan buyınça maxsus rezoliutsiä qabul itte. Dönyanıñ törle poçmaqlarınnan cielgan tanılgan yazuçılar, tatar, urıs, belorus häm fin PEN üzäkläre, yazuçılar kongressında bu rezoliutsiä qabul itelsen digän täqdim belän çıqqannnar ide. Älege rezoliutsiädä, Däülät Dumasında ikençe uqılışta qaralırga tieşle, tellär turındagı zaqonga üzgäreşlär kertü, häm Rusiä xalıqların kirill älifbasın gına qullanırga mäcbür itü mädäniätlärneñ küp törlelegen, lingvistik plürallizmnı qısrıqlauga kiterä dielä. Monnan tış, tellär turındagı zaqonga östämälär qabul itelgän oçraqta, Tatarstanda zaqonlı räweştä latin älifbasın torgızunı totqarlayaçaq häm şul säbäple lingvistik sistemalarnı saqlau häm üsterü buyınça xalıqara tanılgan xoquqlarnı bozaçaq, dielä älege rezoliutsiädä. Şulay uq, Bötendönya yazuçıları latin nigezendäge tatar alfavitın torgızu yağında toruçı ğalim häm yazuçılarga teläktäşlek belderälär. Ä Rusiä xakimiätennän latin yazuı nigezendäge tatar alfavitın torgızuda bernindi dä totqarlıq kürsätmäüne taläp itälär.

Rusiä xakimiäte, Däülät Duması deputatları häm şular arasındagı Tatarstannan saylangan deputatlar da, yazuçılar tawışına qolaq salırlarmı, monısın kiläçäk kürsäter. Ä älegä tatar yäşläre arasında latin älifbası könnän-kön populyarlaşa ğına bara.
XS
SM
MD
LG