Accessibility links

Кайнар хәбәр

Tatar ictimaği üzäge dä xalıq sanın alu barışın küzätä


Tatar ictimaği üzäge dä xalıq sanın alu barışın küzätä

Respublikada häm tatarlar küpläp yäşägän töbäklärdä xalıq sanın isäpkä alu barışın Bötentatar ictimaği üzäge dä küzätä. İctimaği üzäk räise Räşit Yägäfärov söyli:

Xalıq sanın alu kampaniäse barışında tatarlar küpläp yäşägän töbäklärdä, bigräk tä Başqortostanda xalıq başın butaw, başqa millät bulıp yazıluğa öndäw ğämälläre bar. Mondıy ğämällär isäpkä alınıp, yazılıp barıla häm kiläçäktä, ägärdä xalıq sanın alu näticälärendä xärämläşü sizelsä, bu faktlar mäxqämä qaramağına tapşırılaçaq.

İctimaği üzäk räise sişämbe 15 üktäber ğädät buyınça Qazan xanlığı cimerelgän kön dip, Xäter köne itep bilgelänüen iskä alıp, Qazanda 13 üktäberdä uzğan Xäter könen bäyäläde. Räşit Yägäfärov Xäter könen ütkärü uñayınnan quyılğan maqsatlarğa ireşelgän dip sanıy:

Küptän tügel uzğan Tatarstan Däwlät Şurasınıñ fän, mäğärif häm milli mäsälälär komissiäse utırışında sessiägä 15 üktäberne räsmi räweştä Xäter köne itep bilgeläp ütü mäsäläsen quyarğa täqdim itelde.

Yunıs Ätnäle
XS
SM
MD
LG