Bötendönya islam ligası general' sekretare terrorçılıq belän islamğa ayırıp qararğa kiñäş itä

Tatarstan möftie Ğosman İsxaqi “Mäskäwdäge faciğa bezne barıbıznı da berläşterde”, dip belderde. Soñğı könnärdä Bötendönya İslam ligası general sekretare Abdalla bän Abdul Moxsin at-Törki Tatarstandağı möselman tormışı belän tanışıp yörde. Düşämbe könne ul Qazan şähäre başlığı Kamil İsxakov, diniä nazaräte citäkçese Ğosman İsxaqi belän oçraştı. İslam ligası general' sekretare “keşe üterep, qan qoyıp yörüçelär möselman tügel” dip äytkän. İslamnı terrorizm belän täñgäl itep kürsätergä teläwçelär yäki İslam dinen belmilär, yäki añlı räweştä İslamnıñ abruyın töşerergä tırışalar.