Accessibility links

Кайнар хәбәр

Respublikanı yallar kötä


Respublikanı yallar kötä

Çärşämbe, 30 oktäber, Tatarstanda tınıç qına uzdı. Soñğı aradağı faciğäle waqıyğalar waqıtında äytelgän süzlär, yasalğan çığışlardan, eşlängän ğämällärdän soñ respublika yal itep tora buğay. Tatarstan citäkçelege dä äkren genä ağımdağı eşlär belän mäşğül. İnde xäbär itkänebezçä, respublikanıñ Däwlät Şurası räise Färit Möxämmätşin yañadan Strasburgka kitte. Läkin bu yulı ul anda Tatarstan konstitutsiäsen tügel, ä Rusiä qanunnarın tikşerüdä qatnaşaçaq. Spiker 30-31 oktäber könnärendä Rusiä delegatsiäse sostavında Yevropa Sovetınıñ eşçe törkeme utırışında qatnaşa. Respublikanıñ premyer-ministrı da bu könnärdä Qazanda yuq. Ul qısqa waqıtlı yalda. Röstäm Miñnexanov üzeneñ yalın Söğüd Ğäräbstanında ütkärä. “Kamaz-master” komandası sostavında Tatarstan premyer-ministrı Abu-Dabida ütä torğan Dönya kubogınıñ soñğı etabında qatnaşa. Respublikanı da tizdän yallar kötä. Küptän tügel genä xäbär itelgänçä, noyäber başında tatarstanlılar 4 kön yal itäçäklär. 6 noyäber – Tatarstan konstitutsiäse köne, 7 noyäber – duslıq häm tatulıq köne bulu säbäple, şularğa tağın yal könnären dä östäp respublika xalqı menä şundıy keçkenä genä otpusk alaçaq.
XS
SM
MD
LG